قازاقستاننىڭ ۇلتتىق بانكى ءار ون كۇن سايىن "7-20-25" باعدارلاماسى بويىنشا ەسەپ بەرەدى، دەپ حابارلايدى sputniknews.kz.

قازاقستاننىڭ ۇلتتىق بانكى "7-20-25" تۇرعىن ءۇي باعدارلاماسى بويىنشا العاشقى ايدىڭ قورىتىندىسىن جاسادى.

30 شىلدەدەگى احۋال بويىنشا 749 قازاقستاندىق 8،6 ميلليارد تەڭگەدەن استام سوماعا نەسيە الۋعا ءوتىنىش بەرگەن. ءقازىر 4،8 ميلليارد تەڭگە سوماعا 422 نەسيە رەسىمدەلدى.

ۇلتتىق بانك ءار 10 كۇن سايىن باعدارلاما بارىسى جايىندا ەسەپ بەرىپ وتىرادى. سوعان سايكەس، العاشقى 10 كۇندە 70 نەسيە، كەلەسى 10 كۇندە 242 نەسيە، سوڭعى 10 كۇندە 110 نەسيە بەرىلگەنىن كورە الامىز. 

2018 جىلدىڭ 4 شىلدەسىنەن باستاپ قازاقستاندا "7-20-25" يپوتەكالىق باعدارلاماسى ىسكە قوسىلدى. باعدارلامانىڭ شارتى اتاۋىندا كورسەتىلگەن: 7% — پايىزدىق ۇستەمە، 20% — باستاپقى جارنا، 25 – نەسيەنى وتەۋ مەرزىمى.