الەمدەگى ەڭ العاشقى سايتتى (
info.cern.ch) 1990 جىلى فيزيك تيم بەرنەرس-لي جاساپ شىعارعان. ونىڭ قۇرىلىمى وتە قاراپايىم بولدى. ول كەزدە كومپيۋتەرلىك گرافيكا بولماعاندىقتان، سايتتا تەك ءماتىن عانا تۇرعان. NeXTcube بازاسىنداعى WorldWideWeb گيپەرتەكستىك براۋزەرىن دە بەرنەرس-لي ويلاپ تاپقان ەكەن. سايتتا ەڭ العاشىندا براۋزەرلەر مەن سەرۆەرلەردى قالاي ورناتۋ كەرەكتىگى جايلى اقپارات جاريالانىپ وتىرعان. كەيىن بەرنەرس-لي باسقا سايتتارعا دا گيپەرسىلتەمەلەر جاساۋدى باستادى. 1991 جىلى ۆەب-سەرۆەر ەۋروپانىڭ باسقا دا ايماقتارىنا تارالا باستايدى. 1993 جىلدىڭ قازان ايىندا ۆەب-سەرۆەرلەر سانى الەم بويىنشا 200-گە جەتەدى. ەۋروپا يادرولىق زەرتتەۋ ۇيىمى 1991 جىلدىڭ سوڭىندا جەنيەۆادا تيم بەرنەرس-ليدىڭ قۇرمەتىنە WWW ستاندارتىن ەنگىزەدى. ايتا كەتەيىك، بەرنەرس-لي جاساپ شىققان ەڭ العاشقى سايت (
info.cern.ch) ءالى كۇنگە دەيىن جۇمىس ىستەيدى. ءقازىر تيم بەرنەرس-لي ينتەرنەت ستاندارتتارىن ازىرلەپ، دامىتاتىن World Wide Web Consortium كومپانياسىن باسقارادى.
massaget.kz
