22 ناۋرىز. Qamshy.kz - تۇركيا پرەمەر-مينيسترى احمەت داۆۋتوگلۋ ناۋرىز مەرەكەسى قارساڭىندا "تۇرىكتەر مەن كۇردتەردى"  تاتۋلىققا شاقىردى. بۇل تۋرالى "قامشى" پورتالى حابارلايدى.

ۇلىستىڭ ۇلى كۇنى قازاقستاننان وزگە يران، اۋعانىستان، قىرعىزستان، قىرعىزستان، تۇركىمەنستان، وزبەكستان، ازەربايجان، ءۇندىستان مەن تۇركيا، يراك، ابلانيا مەن ماكەدونيا  جانە رەسەيدىڭ ءبىراز بولىگىندەگى تۇركى حالىقتارىنا ورتاق مەرەكە.

وسىعان وراي تۇركيانىڭ پرەمەر-مينيسترى احمەت داۆۋتوگلۋ باۋىرلاس تۇرىكتەر مەن كۇردتتەردى تاتۋلاسۋعا شاقىردى. " تۇرىكتەر مەن كۇردتتەر ىقىلىم زاماننان بەرى ءدىنى مەن ءدىلى، تامىرى مەن تاريحى ورتاق، باۋىرلاس حالىق. اراداعى  كەلەڭسىزدىكتەرگە قاراماستان الداعى ۋاقىتتا يىق تىرەستىرىپ، جۇمىلعان جۇدىرىقتاي بولىپ ارەكەت ەتۋىمىز كەرەك. كەلىڭدەر باۋىرلار، اراداعى وشپەندىلىكتى ۇمىتايىق. قارۋدى تاستاپ، ءبىزدىڭ بولاشاعىمىز ءۇشىن تاتۋلاسايىق"،-دەدى احمەت داۆۋتوگلۋ.

ال تۇركيا تۇرمەسىندە ءومىر بويىنا باس بوستاندىعىنان ايىرىلۋ جازاسىنا كەسىلگەن تۇركياداعى كۇرد پارتياسىنىڭ جەتەكشىسى ابدۋللا ودجالان بولسا، ەلدەگى بارلىق كۇرد  بۋىرلارىن ناۋرىز مەرەكەسى قارساڭىندا تاتۋلىققا شاقىرعان احمەت داۆۋتوگلۋنىڭ ءسوزىن قوستادى. ول ەلدەگى كۇرد پروبلەمالارىن قارۋسىز، بەيبىت جولمەن شەشۋگە شاقىردى.

2012 جىلدىڭ قازانىنان بەرى قاراي تۇركيا رەسپۋبليكاسى 35 جىلعا سوزىلعان، 40 مىڭنان استام ادامنىڭ ءومىرىن جالماعان  تۇرىك-كۇرد جانجالىن بەيبىت جولمەن رەتتەۋ ءۇشىن ودجالانمەن كەلىسسوزدەر جۇرگىزىپ كەلەدى. ءتىپتى، وسى ماقساتتا ارنايى "جول كارتاسى" دا ازىرلەنگەن. اتالمىش كارتادا جانجالدى شەشۋدىڭ جولدرى كورسەتىلگەن جانە قوس تاراپقا دا مىندەتتەلگەن جوبالار بولعان. قازىرگى تاڭدا اتالمىش مىندەتتەردىڭ 50 پايىزى ورىندالعان. الايدا ەكى جاقتىڭ وكىلدەرى دە اتالمىش كەلىسىمدى ورىنداماي وتىرعاندارىن ايتادى.

 نۇرگەلدى ءابدىعاني ۇلى