QAMSHY.KZ
"اسا قۇرمەتتى، قازاق اتامنىڭ ۇلى قارۋى قامشى! بۇل «اڭگىمەلەسۋ» ويدان شىعارىلعان دۇنيە ەمەس. شىن ءسوزىم. سەنبەسەڭدەر، 5 سىنىپتىڭ تاريح كىتابىن الدىرىپ وقىڭىزدار جانە تىلشىلەرىڭىزدى ۇيلەرىندە 5 سىنىپتا وقيتىن بالالارى بار ادامدارعا جىبەرىپ سۇراتىپ كورىڭىزدەر".جاقىندا مەندە مىناداي ءبىر جاعداي بولدى. ءوز كولىگىممەن كەلە جاتسام، جولدا اۆتوبۋستىڭ قاسىندا جاس بالالار تۇر ەكەن. ىشىنەن ءبىر جاس ايەل قول كوتەردى. "اعا كولىگىمىز بۇزىلىپ قالدى، مىنالار مەنىڭ وقۋشىلارىم" دەپ، كولىگىمە سىيعانىنشا قالاعا الا كەتۋىمدى ءوتىندى. سىيعانىنشا مىنگىزىپ الدىم. بالالارمەن ءجون سۇراستىم. سونداعى اڭگىمەمىزدى سول كۇيىندە بەرەيىن: - قاي سىنىپتا وقيسىڭدار؟ - 5-سىنىپتا. - بۇگىنگى وتكەن ساباقتارىڭنىڭ ىشىنەن ەڭ ۇناعانى قايسىسى؟ - تاريح. - نەگە؟ - ءبىز بۇگىن ودان دارۆين دەگەن اتامىزدىڭ بار ەكەنىن، ادامداردىڭ قايدان شىققانىن جانە اتامىزدىڭ كىم ەكەنىن بىلدىك. - ءبارىڭ بىردەي شۋلاماي، ىشتەرىڭنەن تاريح ءپانىن جاقسى وقيتىن بىرەۋىڭ جاۋاپ بەرىڭدەر؟ ادامدار قايدان شىعىپتى؟ - اعا ءبىز مايمىلدان تۋىپپىز. - اپايلارىڭ ونى قالاي دالەلدەدى؟ - ولار ادامدار سياقتى ەكى اياقپەن جۇرەدى جانە ادامنىڭ مايمىلدان شىققانىنىڭ باستى دالەلى ولار بانان جەگەن دە، ادامدار سياقتى قابىعىن ارشىپ جەيدى. جانە ونىڭ دالەلدەرى سۋرەتتەرىمەن بىرگە تاريح كىتاپ تا جازۋلى تۇر. - باسقا نە ايتتى؟ - كەيبىرەۋلەر ادامدار ادام اتادان تاراعان، ال ادامداردى قۇداي جاراتتى دەپ تە ايتادى. ءبىراق، بۇل دۇرىس ەمەس. بالالار، سەندەر ونداي اڭگىمە ەستىپ جاتساڭدار، ونداي وتىرىككە سەنىپ قالىپ جۇرمەڭدەر دەدى. - باسقا نە ايتتى؟ - ادامداردىڭ مىنەزدەرىنىڭ، كەسكىن-كەلبەتتەرىنىڭ جانە بويلارى مەن دەنەلەرىنىڭ ءارتۇرلى بولاتىن سەبەبى، سەندەر دە ءارتۇرلى مايمىلدان جاراتىلعانسىڭدار. مىسالى، ماعان سەنىڭ ارعى اتاڭ «گوريللا» دەدى (مەن وزگەلەردەن بويشاڭ جانە ءىرىمىن)، مىناعان (قاسىنداعى قىزداردى كورسەتىپ) بىرەۋىنە شيمپانزە، بىرەۋىنە ورانگۋتانگ، ارالارىڭدا مارتىشكادان دا جاراتىلعاندار بار دەدى. قاسىندا وتىرعان ءبىر قىز بالا سوزگە ارالاسىپ، "اعاي! اعاي! ءسىز قايسىسىنان جارالدىڭىز، ياعني ءسىزدىڭ اتاڭىز كىم؟" دەدى؟ اۋزىما ءسوز تۇسپەي، ابدىراپ قالىپ، "اينالايىندار! مەن مايمىلدان جاراتىلعانىم جوق، مەن ادام اتا مەن حاۋا انادان تارايمىن، ال ولاردى قۇداي جاراتتى" دەدىم. قاسىنداعى تاعى ءبىرى «اعا ءسىزدىڭ ارعى اتاڭىز گوريللا عوي» دەدى (ۇزىن بويلى، ءىرى دەنەلىمىن). - ۇپ-ۇلكەن بولىپ، نەگە وتىرىك ايتاسىز؟ بىزبەن بىرگە وقىعانىڭىزدا ۇنەمى ەكى الاتىن وقۋشى ءسىز بولار ەدىڭىز. دۇرىس ەكەن دەدىم ىشتەي كۇيىنىپ، مەن ءقازىر قازاقتىڭ اتا سالتىن ۇلىقتاعانىم ءۇشىن تەك قانا «ەكى» الىپ ءجۇرمىن. اڭگىمەمىز وسى جەرگە كەلگەن دە، قالاعا دا كەلدىك، ولار راحمەتتەرىن ايتىپ، جوندەرىنە كەتتى.
مامبەتكارىم قوجىرباي ۇلى
