بيىل بقو، ورال قالاسىندا  ۇلىستىڭ ۇلى كۇنى - ناۋرىز مەرەكەسىن تويلاۋعا ورتالىق الاڭعا جيىلعانداردىڭ قاراسى ادەتتەگىدەن مول بولدى. الايدا ورتالىقتاعى كادەسىيلار ساتىلاتىن ورىنداردىڭ  بىرەۋىندە "قازاقستان رەسپۋبليكاسىنىڭ" كوك  تۋى كەزدەسپەگەن. كەرىسىنشە  وداقتاسىمىز رەسەيدىڭ مەملەكەتتىك تۋى  جەر-جەردە سامساپ تۇردى.

ورالدىقتار ق ر كونستيتۋسياسىندا كورسەتىلگەندەي ق ر مەملەكەتتىك تۋىن ورىنسىز قولدانۋدان قورقا ما؟ الدە اۋىلدارى ارالاس جاتقان رەسەيدىڭ  مەملەكەتتىك تۋىنا دەگەن ەرەكەشە قۇرمەت پە بۇل؟ بۇعان جاۋاپ بەرۋگە ءتيىستى بىردەن-بىر مەكەمە - بقو ىشكى ساياسات باسقارماسى بولعان سوڭ، بايلانىسقا شىققان ەك،  ول جاقتاعىلار ناۋرىز مەرەكەسىنە وراي زاڭدى دەمالىستا بولىپ شىقتى.

ال "ۋرالسكايا نەدەليا" باسىلىمىندا اتالمىش جاعدايعا قاتىستى قىزۋ پىكىر-تالاس جۇرۋدە.  ءبىرقاتار بەلسەندىلەر مۇنى ۇلتشىلداردىڭ ۋشىقتىرۋ ارەكەتىنە بالاسا، ەندى بىرەۋلەر مۇنىڭ اقىرىن  "قىرىم اننەكسياسىنا" تەلۋدە. ال تاعى ءبىر بەلسەندىلەر وبلىستىق ىشكى ساياسات باسقارماسى مەن اكىمنىڭ يدەولوگيالىق كەڭەسىن سىنعا الۋدا.