سوڭعى كەزدە قازاق تويلارىندا "اتىڭ شىقپاسا جەر ورتەنىڭ" كەرىن كورسەتىپ جۇرگەندەر جيىلەپ كەتتى. وسىنىڭ الدىندا قازاق تويلارىنداعى ءتانىن تىرداي جالاڭاشتاپ، ستريپتيز بيلەپ جۇرگەن قىزداردى كورىپ جاعامىزدى ۇستاعان ەدىك. بۇل وقيعا الەۋمەتتىك جەلىلەر مەن ينتەرنەت قولدانۋشىلاردىڭ نارازىلىعىن تۋدىرعاندىقتان قازاق تويلارىنداعى ستريپتيز شوۋلار ءسال سايابىرسي باستاعان. ەندى مىنە تاعى قوعامدا رەزونانس تۋدىرعان ءبىر شۋلى تويدىڭ ۆدەوسى ينتەرنەتتە تانىمالدىلىققا يە بولا باستادى.
بۇل جولى قازنەت تۇتىنۋشىلارىن دومبىرا ءرولىن "سومداعان" قازاق قىزى شۋلاتتى. اسابا جىگىت سەرگىتۋ، بوي جازدىرۋ ءۇشىن تويعا كەلگەن قوناقتار اراسىندا ويىن ويناتامىن دەپ، اتاقتى قۇرمانعازى ساعىربايۇىلىنىڭ "اداي" كۇيىن مازاققا اينالدىرعان.
ەڭ سوراقىسى ورىندىقتا وتىرعان جىگىت قوناق قىزدى دومبىرى رەتىندە پايدالانىپ، كۇي شەرتكەن سىڭاي تانىتقان. ال قىز بولسا، جىگىتتىڭ تىزەسىنە كولدەنەڭىنەن جاتىپ دومبىرا ءرولىن سومداعان. دومبىرا پەرنەسى ايەلدىڭ كوكىرەك تۇسىنا ءدال كەلسە، ىشەگى مەن شاناعى ايەلدىڭ اۋرەتتى جەرىنە ءدوپ كەلگەن. ال ەكەۋىنىڭ ەرسى ارەكەتتەرىن سىرتتاي باقىلاپ تۇرعان توي قوناقتارى اراسىندا جاسى ۇلكەن قاريالار مەن ەگدە تارتقان ازاماتتاردىڭ بىردە-بىرەۋى بۇل باسسىزدىققا توقتاۋ ايتۋدىڭ ورىنا ماز-مەيرام بولىپ تۇرعان.
وسىلايشا ارزان كۇلكى، اقىلسىز ارەكەتتىڭ ارتىندا قازاقتىڭ داۋلەسكەر كۇيشىسى، اتاقتى قۇرمانعازى ساعىربايۇلىن قورلاۋ جاتقانىن اڭعارماي دا قالعان. ءقازىردىڭ وزىندە الەۋمەتتىك جەلىلەردە "بۇل بىلمەستىكتەن تۋىنداعان دەپ اقتاۋعا كەلمەيتىن ورەسكەل قاتەلىك جانە بۇل باسسىزدىققا جول بەرگەندەر زاڭ الدىندا جاۋاپقا تارتىلۋى ءتيىس"،- دەگەن پىكىرلەر ايتىلۋدا.
ەستەرىڭزدە بولسا، وسىعان دەيىن الماتىداعى گەي كلۋب ءوزىنىڭ جارناماسىندا "قۇرمانعازى مەن پۋشكيندى" ءسۇيىستىرىپ قويعانى ءۇشىن الەۋمەتتىك جەلى تۇتىنۋشىلار مەن قوعام بەلسەندىلەرى قۇقىق قورعاۋ ورگانىنا شاعىمدانىپ، ناتەجيەسىندە اتىشۋلى كلۋبتان 34 ميلليون تەڭگە ايىپپۇل وندىرىلگەن بولاتىن. بۇل ءبىرازىنا ساباق بولار دەگەنىمىز سول-اق ەكەن، ەندى مىنە قازاق تويىندا ارزان كۇلكى ءۇشىن قۇرمانعازى اتامىزدىڭ "اداي" كۇيىن ايەلدىڭ اۋرەتىنە بالاعان. بۇل بىرىنشە مارتە بولىپ وتىرعان جوق. سوندىقتان ءتيىستى ورگاندار بۇل باسسىزدىقا جول بەرگەندەردى جاۋاپقا تارتۋى ءتيىس. ءسىز نە دەيسىز؟
https://www.youtube.com/watch؟feature=player_embedded&v=E6SSmTa9njY نۇرگەلدى ءابدىعاني ۇلى
