كاپكاراشكا وتاعاسى اتاندى. جەلتوقسان ايىندا «ارناۋ» دۋەتىنىڭ ءانشىسى نۇرجان كەرمەنبايەۆ كوكتەمدە شاڭىراق كوتەرەتىندىگى جايلى جازعان ەدىك. بۇگىن ونىڭ تۋعان جەرى جەزقازعاندا وتاۋ قۇرۋ سالتاناتىنا ارنالعان مەرەكە ءوتىپ جاتىر. ءانشىنىڭ قۋانىشىنا ونەردەگى دوستارى جيىلىپ ينستاگرام جەلىسىنە تويدىڭ العاشقى فوتولارى جۇكتەدى. پىكىرلەرگە سۇيەنسەك كەلىن تاراز قالاسىنان ەكەن. توي جەزقازعاندا ءوتىپ جاتقانىمەن، نۇرجان اناسىمەن الماتىدا تۇرادى.
كۇللى قازاققا بالا كۇننەن «بوزتورعايىمەن» تانىلعان «مۇزارت» توبىنىڭ ءانشىسى مەيرامبەك اكە اتاندى. بەسبايەۆتاردىڭ شاڭىراعىنا جۇبايى مارحابات شەكەسى تورسىقتاي ۇل سىيلادى. قۋانىشى قوينىنا سىيماعان مەيرامبەك مىرزا ءبىر قۇشاق گۇلىن الىپ، تۇڭعىشى كاۋسارمەن بىرگە پەرزەنتحانادان وقىرماندارىنا العىس بىلدىرگەن سۋرەتىن الەۋمەتتىك جەلىگە جاريا ەتتى.
