كەشە اقش-تىڭ مانحەتتەن شتاتىندا كوپ قاباتتى عيماراتتىڭ بىرىندە  جارىلىس بولىپ، سالدارىنان 19 ادام اۋىر جارالانعان. بۇل تۋرالى "قامشى" پورتالى "The NewYork Times"-كە سىلتەمە جاساي وتىرىپ حابارلايدى. وقيعا بەيسەنبى كۇنى مانحەتتەننىڭ شىعىسىنداعى ۆيللادج اۋدانىندا ورىن العان. تۇرعىندار ورنالاسقان كوپ قاباتتى عيماراتتا ۇلكەن جارىلىس بولىپ، سالدارىنان ىرگەلەس ورنالاسقان 5 بىردەي عيمارات  ورتكە ورانعان.

وقيعا ورىن العان جەردە "قىزىل كرەست" قورى ۋاقىتشا شاتىرلار تىگىپ، ءورت پەن جارىلىستان زارداپ شەككەندەرگە ءتۇرلى كومەكتەر كورسەتۋدە. ازىرگە زارداپ شەككەندەر تۋرالى تولىق ءارى ناقتى دەرەكتەر ايتىلماعان. الايدا، اۋەلگى جارىلىس بولعان عيماراتتىڭ ىشىندە بولعان 19 ادام اۋىر جاراقات الىپ، 1 ادام جوعالىپ كەتكەن. ال ورتكە ورانعان كورشى عيماراتتان 55 ەرەسەك ادامدى جانە 1 ءسابيدى قۇتقارۋ قىزمەتكەرلەرى ورتتەن اراشالاپ قالعان. "The NewYork Times" جانە "divannaya-sotnya.com.ua" باسىلىمدارى ازىرگە وقيعا ورىنىنان جەدەل فوتوسۋرەتتەر عانا جاريالاپ وتىر.

https://www.youtube.com/watch؟feature=player_embedded&v=DmS6Tv1g9Cw نۇرزات توعجان "قامشى" سىلتەيدى