جۇرتشىلىقتى اسپانعا قاراتقان اباي بەگەيدىڭ «اي ءمۇسىن» ءانى تەك قازاقتىڭ تويىندا ەمەس، رەسەيدىڭ شوق جۇلدىزى ءتيماتيدىڭ كونسەرتىندە شىرقالىپ، ونىڭ سۇيىكتى اندەرىنىڭ تىزىمىنە ەنىپ ۇلگەردى. ابايدىڭ جۇلدىزىن جاققان بۇل ءاننىڭ ارقاسىندا كۇنتىزبەسىندە ءتىپتى ءبىر بوس كۇن جوق. سۇرانىسقا يە حيت ءان وعان قىرۋار قارجى اكەلىپ، قالتاسىن دا قالىڭداتتى.
ەڭ قىزىعى تيماتي مەن اباي بەگەيدىڭ پروديۋسەرلەرى ءوزارا كەلىسىم جاساپ جاتقان كورىنەدى. رەسەيلىك ورىنداۋشى جۋىردا الماتى قالاسىندا وتەتىن ابايدىڭ العاشقى ءان كەشىنىڭ قوناعى بولماق. بۇعان دەيىن اباي بەگەي اقتاۋ قالاسىندا كۋبالىق انشىلەرمەن بىرلەسىپ كونسەرت وتكىزگەن بولاتىن. ءان وزگە ۇلت وكىلدەرىنە نەلىكتەن ەرەكشە اسەر ەتتى ەكەن؟! مۋزىكا ءتىل تالعامايدى دەگەن وسى بولسا كەرەك. دەسەك تە، قازاق ءانىنىڭ شەتەلدە ناسيحاتتالۋى قۋانارلىق جاعداي.
