26 ساۋىردە وتەتىن كەزەكتەن تىس پرەزيدەنت سايلاۋىنا شەت ەلدەردەن جانە حالىقارالىق ۇيىمداردان باقىلاۋشى بولىپ قاتىساتىن تاۋەلسىز-حالىقارالىق 48 ساراپشىعا اكرەديتاسيا بەرىلدى. بۇل تۋرالى "قامشى" پورتالى وسك باسپا ءسوز قىزمەتىنە سىلتەمە جاساي وتىرىپ حابارلايدى. ق ر وسك مەن ءسىم بىرلەسىپ، 28 ناۋرىز كۇنى 48 شەت ەلدىك جانە حالىقارالىق ۇيىمداردان كەلەتىن باقىلاۋشىلارعا اكرەديتاسيادان وتكەندىگىن راستايتىن كۋالىك بەرۋ تۋرالى قاۋلىنى قابىلداعان. ءسىم اقپاراتىندا كورسەتىلگەندەي، اكرەدتەلگەن حالىقارالىق باقىلاۋشىلار 9 مەملەكەتتەن جانە 1 حالىقارالىق ۇيىمنىڭ اتىنان كەلەدى دەپ كۇتىلۋدە. سونداي-اق، نورۆەگيا كورولدىگىنەن - 4 ادام، اۆستريا رەسپۋبليكاسىنان - 3 ادام، سەربيا رەسپۋبليكاسىنان - 3 ادام، بولگاريادان - 2 ادام، ليتۆادان - 2 ادام جانە ۇلىبريتانيا، سولتۇستىك يرلانديا، ۆەنگريا، لاتۆيا، سلوۆاكيادان ءبىر-بىر وكىلەتتى تۇلعالار جانە ەقىۇ-عا مۇشە 18 مەملەكەتتەن 30 باقىلاۋشى كەلىپ قاتىساتىنى بەلگىلى بولدى. بارلىق اكرەدتەلگەن باقىلاۋشىلارعا كۋالىكتەر تابىستالادى. وسىعان دەيىن، وسك باسپا ءسوز قىزمەتى ەقىۇ جانە تمد ۇيىمدارىنان 83 حالىقارالىق تاۋەلسىز-باقىلاۋشىلار قاتىساتىنىن، ال 19 مەملەكەتتەن 98 ب ا ق وكىلدەرى اكرەدەتاسيالاۋدان وتكەندىگىن مالىمدەگەن بولاتىن. ەسكە سالا كەتيىك، 26 ساۋىردە وتەتىن كەزەكتەن تىس پرەزيدەنت سايلاۋىنا قاتىسۋشى كانديداتتاردىڭ سايلاۋالدى ۇگىت-ناسيحات جۇمىستارى باستالىپ كەتكەن. ق ر پرەزيدەنت سايلاۋىنا 3 ۇمىتكەر تىركەلىلگەن. ولار: قازىرگى پرەزيدەنت نۇرسۇلتان نازاربايەۆ، كوممۋنيستىك پارتيا اتىنان تۇسكەن تۇرعان سىزدىقوۆ پەنابىلعازى قۇسايىنوۆ. نۇرزات توعجان