ءماجىلىس دەپۋتاتتارى ۇلتارالىق ارازدىقتى ناسيحاتتايتىن كەيبىر الەۋمەتتىك جەلىلەردەگى توپتاردى جابۋدى ۇسىندى. بۇل تۋرالى "قامشى" پورتالى "راديوتوچكاعا" سىلتەمە جاساي وتىرىپ حابارلايدى.
بۇگىن ق ر ءماجىلىس دەپۋتاتتارى قازاقستاندىق الەۋمەتتىك جەلىلەردە اشىقتان-اشىق ۇلتارىلىق ارازدىقتى قوزدىراتىن، پروۆاكاسيالىق ماقالالار جاريالاناتىن، ەلدىڭ تەرريتوريالىق تۇتاستىعىنا نۇقسان كەلتىرۋدى كوزدەيتىن، مەملەكەتارىلىق جانە ۇلتتار اراسىندا جانجال تۋدىراتىن ماتەريالدارى بار توپتارعا الاڭداۋشىلىق ءبىلدىردى.
وسىنداي توپتاردىڭ ءبىرى مەكتەپ وقۋشىلارى اراسىندا كەڭ تانىمال "ۆكونتاكتە" الەۋمەتتىك جەلىسىندە "سولتۇستىك قازاقستان - بۇل ورىستاردىڭ جەرى" اتپەن جاريالانعان.
- مۇنداي توپتاردى قۇرۋشىلاردىڭ ماقساتى - قازاقستانداعى تىنىشتى بۇزۋعا باعىتتالعان. ادەتتە، مۇنداي توپتاردى مەكتەپ وقۋشىلارىنىڭ نازارىن اۋدارتۋ ءۇشىن جاسايتىن. الايدا، جوعارىداعى اتاپ كورسەتىلگەن توپتا ەلدەگى جاعدايعا ديستابيليزاسيا جاساۋ ءۇشىن باعىتتالىپ وتىر. قانداي جاعداي بولماسىن، قۇزىرلى ورگان قىزمەتكەرلەرى توپتى قاتاڭ قاداعالاۋعا الىپ، ءتيىستى ادامدار زاڭ الدىندا جاۋاپ بەرۋ كەرەك،-دەپ ەسەپتەيدى دەپۋتات ايقىن قوڭىروۆ مىرزا.
ال ماجىلىسمەن الماس تۇرتايەۆ بولسا، مۇنداي قادامعا تەك ءبىلىمى تاياز ادامدار عانا بارادى دەپ ەسەپتەيدى ەكەن.
"بۇل انىق - پروۆاكاسيا. ءبىزدىڭ ەلدە دە، كورشىلەس رەسەيدە دە اقىل-پاراساتى تاياز ادامدار كوپ ەكەنى راس. بۇعان اسا ءبىر نازار اۋدارۋدىڭ قاجەتى شامالى. ال مۇنداي پروۆاكاسيالىق توپتار ءبىزدىڭ ەلدەر اراسىنداعى ىنتىماقتى بۇزا المايدى. ال قۇقىق قورعاۋ ورىندارى مۇنداي توپتاردى باقىلاۋعا الىپ، جابۋ كەرەك"،-دەيدى الماس تۇرتايەۆ.
سونداي-اق، تاڭىربەرگەن بەردىوڭعاروۆ بولسا، "قۇقىق قورعاۋ ورىندارى اقپارات تاراتۋشى سايتتار مەن الەۋمەتتىك جەلىلەردە ارنايى مونيتورينگ جۇرگىزۋ كەرەك. ەگەر ق ر كونستيتۋسياسى تالاپتارىنا ساي كەلمەيتىن توپتار مەن جەلىلەردى جاۋىپ، قاتاڭ قاداعالاۋعا الۋ كەرەك"،دەپ ەسەپتەيدى.
ال سەرىك وسپانوۆ "مەن بۇنداي ۇلتتار اراسىندا ارازدىقتى قوزدىراتىن، مەملەكەتتىڭ تەرريتوريالىق تۇتاستىعىنا نۇقسان كەلتىرۋدى ماقسات تۇتقان توپتاردىڭ اشىقتان-اشىق جۇمىس جاساپ جاتقانىنا قۇزىرلى ورگانداعىلاردىڭ بەي-جاي قاراپ وتىرعانىنا تاڭ قالامىن"، دەيدى. ءتىپتى، وسپانوۆ مىرزا قۇقىق قورعاۋ ورگانىنداعىلار بۇل ءىستى اياعىنا شىعارمايىنشا مەن تىكەلەي قاداعالايتىن بولامىن دەپ ۋادە بەرگەن.
نۇرزات توعجان
