جاقىندا قوستاناي وبلىسىندا ەكىنشى دۇنيەجۇزىلىك سوعىستىڭ وردەنى قوقىستان تابىلدى. بۇل تۋرالى "قامشى" پورتالى جەرگىلىكتى باسىلىمدارعا سىلتەمە جاساي وتىرىپ حابارلايدى.

ءتۇستى مەتاللداردى ساۋدالاۋمەن اينالىساتىن قوستاناي قالاسىنىڭ تۇرعىنى قالاداعى قوقىس توگەتىن ورىنداردىڭ بىرىنەن ەكىنشى دۇنيەجۇزىلىك سوعىستىڭ وردەنىن تاۋىپ العان. قالالىق قوقىس توگەتىن كۇرەسىننەن  ارنايى تەمىر ىزدەيتىن قۇرىلعى ارقىلى باعالى مەتالل ىزدەپ جۇرگەن. وردەن قوقىستا، ايەل ازاماتتىڭ ەسكى سومكەسىنىڭ ىشىندە جاتقان.

وڭاي ولجاعا كەنەلۋشى، وردەندى زاڭسىز جولمەن ساتىپ جىبەرمەك بولعاندا،  وقيعا كۋاگەرى سارسەن شۇپوتايەۆ ونى رايىنان قايتارعان. ءتىپتى، وردەنگە 200 مىڭ تەڭگە ۇسىنعان ازامات تا بولعان.  كەيىن، وردەنتى تاۋىپ العاندار قۇقىق قورعاۋ ورگاندارىنا حابارلايدى. سونداي-اق، وردەننىڭ ارتقى بەتىندە ارنايى نومەرى بولعان.

الايدا، قالالىق قۇقىق قورعاۋ ورىندارىنا جوعالعان وردەن تۋرالى شاعىم تۇسپەگەن.

نۇرزات توعجان