دانيار كەسىكبايەۆ پەن مالايزيا پرەمەرىنىڭ قىزى نۋريانا نادجۆەنىڭ تويى ەكى ەلدە دە ءتۇرلى پىكىرلەر تولقىنىن تۋدىردى. تويعا قاتىستى بارلىق سۇراقتارعا كەسىكبايەۆ جۋرناليست گۇلنار باجكەنوۆامەن سۇحباتىندا جاۋاپ بەردى.  

فوتو اۆتورى – قانات بەيسەكەيەۆ

بۇل تۋرالى esquire.kz-كە سىلتەمە جاساپ NUR.KZ حابارلايدى.

كوشىلىكتىڭ “نەگە قازاق قىزىن المادى؟” دەگەن رەنىشىنە كەسىكبايەۆ عاشىق جۇرەككە ءامىر جوقتىعىن ايتتى.

“قاي ۇلت وكىلى ەكەندىگى ماڭىزدى ەمەس، ەگەر ومىرلىك سەرىگىڭدى جولىقتىرساڭ، ونىمەن ماڭگى بىرگە بولعىڭ كەلەدى. كەڭەس وكىمەتى قۇلاعاننان بەرى جۇرتشىلىق شەكارا اسىپ، بىلىمدەرىن شىڭداۋدا. شەتەلدەن قوساعىن تابۋ – تاڭسىق دۇنيە ەمەس. كەزىندە بوتەن اۋىلدان قىز العانعا دا شۋلايتىن حالىق قازىردە شەكسىز ماھابباتىڭ شەكارا تانىمايتىنىنا كوز جەتكىزدى” – دەيدى توي يەسى.

ال الەۋمەتتىك جەلىدە كوپشىلىكتىڭ “توي نەگە قازاقستاندا ەمەس مالايزيادا ءوتىپ جاتىر؟” دەپ تاڭدانۋىنىڭ سەبەبىن كەسىكبايەۆ تۇسىنبەيتىندىگىن ايتتى.

“ءبىرتۇرلى سۇراق ەكەن. ءبىزدىڭ ءداستۇر بويىنشا الدىمەن قىزدى ۇزاتىپ الىپ كەلىپ، سودان كەيىن ءوز جەرىندە توي جاساماي ما؟ العاشقى توي كەلىننىڭ جەرىندە بولۋى كەرەك. بۇل قازاقتارعا دا، مالايزيالىقتارعا دا بىردەي شارت. تەك، ايىرماشىلىعى – مالايزيالىقتار ءداستۇر بويىنشا قىزعا ءبىر توي ەمەس، بىرنەشە توي جاسايدى. سوڭعىسى 4 ساۋىردە نۋريانانىڭ اكەسى تۋعان جەردە، پەحانگتە بولادى. تويعا نەگىزىنەن ونىڭ پارتياداعى جاقتاستارى جينالادى. ال قازاقستاندا توي كۇنى 18 ساۋىرگە بۇرىننان-اق بەلگىلەنىپ قويعان”، – دەپ ءتۇسىندىردى دانيار.

ءبىزدىڭ ءداستۇر بويىنشا الدىمەن قىزدى ۇزاتىپ الىپ كەلىپ، سودان كەيىن ءوز جەرىندە توي جاساماي ما؟ العاشقى توي كەلىننىڭ جەرىندە بولۋى كەرەك

“مالايزيادا تۇرعىندار ساياساتكەرلەردىڭ اشىق بولۋىن تالاپ ەتەدى. سول سەبەپتى پرەمەر-مينيستر  جاقىندارىمەن قوسا، بارلىق يتەلليگەنسيانى، شەندى ادامداردى تويعا شاقىرىپ وتىر. بايقاعان شىعارسىزدار؟ تويعا تايلاند پەن يندونەزيا باسشىلارى، سينگاپۋر پرەمەر-مينيسترى جانە وزگەلەر شاقىرىلدى. قوناقجايلىق تانىتىپ، قۋانىشتى بولىسۋگە بارلىقتارىن شاقىرۋ – قوعامعا كورسەتكەن سىي-قۇرمەتتىڭ كورىنىسى. مەن تەك 200 ادامدى شاقىرام دەپ ايتا المايسىڭ”، – دەپ جالعاستىردى توي يەسى.

كەسىكبايەۆ تويدىڭ قازاقتاردا ءارى كەتسە 500 ادامعا جاسالعانىمەن سالىستىرعاندا مالايزيالىقتار 2000-3000 ادام شاقىراتىنىنا تاڭدانىسىن جاسىرمادى. ول كەز-كەلگەن ەلگە قوناق بولعاندا سول ەلدىڭ ءداستۇرىن سىيلاۋدى ادەتكە اينالدىرعان ەكەن. كۇيەۋ جىگىت مالايزيالىقتار مۇسىلمان حالىق بولعان سوڭ، قازاقتارعا ۇقساس، جاقىن كەلەتىندىگىن بايقاعان.

اڭگىمە بارىسىندا كەسىكبايەۆ ءوز ەلىنىڭ ازاماتى ەكەندىگىن ماقتان تۇتاتىندىعىن ايتىپ، ازاماتتىق جايلى سىبىستى جوققا شىعاردى.

فوتو اۆتورى – قانات بەيسەكەيەۆ

“مەندە مالايزيالىق پاسپورت جوق، مۇنى جاريالاعان ب ا ق قاتەلەسكەن بولۋى كەرەك. مەن ءوز ەلىمنىڭ ۇلىمىن. جانە سونىمەن ماقتانامىن!”، – دەدى كەسىكبايەۆ.

كەرەمەت قىزدى الىپتى دەپ شۋلاسقان جۇرتشىلىقتىڭ پىكىرىمەن كۇيەۋ جىگىت تولىقتاي كەلىسەدى ەكەن.

“مەن ولارمەن كەلىسەمىن، مەنىڭ ايەلىم وتە اقىلدى، جانى جايساڭ، جۇرەگى كەڭ جان. ءبىز بىر-بىرىمىزگە جاقسى جاراسامىز!” – دەپ اعىنان جارىلدى دانيار.

ال ءجۋرناليستىڭ “ءسىزدىڭ اناڭىز وتە جىگەر مىنەزدى جان، اناڭىز سىزگە قانشالىقتى اسەرىن تيگىزۋدە؟” دەگەن ساۋالىنا دانيار “ءار بالاعا تىكەلەي اسەر ەتىپ، اياعىنان تۇرۋعا كومەكتەسەتىن بىردەن-بىر جان – انا، مەن انامدى ماقتان تۇتامىن” دەگەن جاۋاپ قايتاردى.

دانيار كەسىكبايەۆتىڭ سوزىنە سەنسەك، تويدا تەك كىشى باۋىرى حانبولات نازاربايەۆ بولعانىنا قاراماستان، قوناققا بارلىق تۋىستارى شاقىرىلعان ەكەن.

ايتا كەتەرلىگى، دانيار كەسىكبايەۆتىڭ سوزىنە سەنسەك، تويدا تەك كىشى باۋىرى حانبولات نازاربايەۆ بولعانىنا قاراماستان، قوناققا بارلىق تۋىستارى شاقىرىلعان ەكەن. الايدا، توي جەرى الىس بولعاندىقتان كوبى كەلە الماعان.

ال 18 ناۋرىزدا ەلىمىزدە وتەتىن تويعا بارلىق جاقىندارى شاقىرىلىپتى. سۇحبات بەرۋشى سونداي-اق قازاقستان پرەزيدەنتىنىڭ وتباسىمەن ءتۇرلى سىبىستارعا قاراماستان جاقسى قارىم-قاتىناستا ەكەنىن باسا ايتتى.

توي پرەزيدەنتتىك سايلاۋ ۋاقىتىنا جاقىن بولعانىمەن، كەسىكبايەۆ سايلاۋعا كەلەتىنىن مالىمدەدى.

فوتو اۆتورى – قانات بەيسەكەيەۆ

ول سۇحبات بارىسىندا ەلباسىنا داۋىس بەرەتىنىن جانە پرەزيدەنتىمىزدىڭ جاقسى ليدەر ەكەندىگىن ايتتى.

ال توي الەگى بىتكەننەن كەيىن، ايەلى Harvard Kennedy School مەن Wharton Business School ۋنيۆەرسيتەتتەرىنىڭ بىرىندە وقۋىن جالعاستىرىپ، قوس عاشىقتار اقش پەن مالايزيا اراسىندا تۇراتىندىعىن ايتتى.