بيىل قازاق حاندىعىنىڭ 550 -جىلدىعىن ۇلان-اسىر تويلاپ جاتىرمىز. مىنە وسى تاريحىمىزدى ۇلىقتاپ،رۋحىمىزدى اسقاقتاتاتىن ۇلى شارالارىمىزدى كورە المايتىن كەيبىرەۋلەر قارسى شابۋلىعا شىنداپ كىرىسكەن سياقتى. كۇن ارالاتىپ  قازاقتى كەلەمەجدەۋدىڭ سان قيلى جەكسۇرىن امالدارىنا كۋا بولاتىن بولدىق. وسىلاردى  كورىپ جانىم تۇرشىگىپ جۇرگەندە، تاۋەلسىزدىگىمىزدىڭ ءقادىرىن كەتىرەتىن،ءجاسوسپىرىم بالالاردىڭ ساناسىنا «ۇلى روسسيانى»سىنالاپ كىرگىزەتىن وعاش ىسكە تاپ بولدىم.

قىزمەتىمە بايلانىستى قاي مەكتەپ ەكەنى قۇپيا قالا بەرسىن. باستاۋىش سىنىپتىڭ سۇپ-سۇيكىمدى وقۋشىلارى مىنانداي سپورت كيىمىن كيىپ ءجۇر. كەۋدەسىندە بادىرايىپ «Rossia»دەپ جازۋلى تۇر. ال ونىڭ قاسىندا كوك تۋىمىز «جەلبىرەپ» تۇر. بۇنداي كيىمدەر بىر-ەكەۋىندە عانا شىعار دەپ بۇكىل وقۋشىلاردى تەكسەرىپ شىقتىم. بارلىعىندا وسىنداي قۇبىلىس. «بۇل فورمانى قايدان الدىڭدار؟»دەپ سۇراسام، «بازاردا قاپتاپ تۇر. بارىمىزگە وسىنى الىپ بەردى»-دەيدى ەشتەڭەدەن حابارسىز وقۋشىلار.

ەندى عانا سانالارى قالىپتاسىپ كەلە جاتقان بۇلدىرشىندەرگە روسسيانى جارنامالاپ،سانالارىن ۋلاپ جۇرگەندەر كىمدەر بولدى ەكەن؟ بۇدان وتكەن باسقىنشىلىق جوق شىعار ءسىرا!

  ومار قۇرماش