ەندى قازاقستاننىڭ شالعاي اۋداندارى مەن اۋىلدارىندا ورنالاسقان تۇرعىندار ءۇشىن تۇرعىن ءۇي قۇرىلىس جيناق بانكى قىزمەتكەرلەرىنەن ارنايى جانە جەكەلەگەن كەڭەستەر الۋعا مۇمكىندىك تۋدى. جۋىردا تۇرعىن ءۇي قۇرىلىس جيناق بانكى قىزمەتكەرلەرى قازاقستاننىڭ شالعاي ورنالاسقان ەلدى-مەكەندەرىن ارالايتىن "مەنىڭ قازاقستانىم" ارنايى پويىزىنا قاتىساتىن بولدى. "وسى رەتتە ءتۇقجب قزمەتكەرلەرى شالعاي جاتقان ەلدى-مەكەندەرگە، ستانسيالار مەن مونو-قالالاردى ارالاپ، سول جەردەگى تۇرعىندارمەن كەزدەسۋلەر ۇيىمداستىرادى. "مەنىڭ قازاقستانىم" ارنايى قوعامدىق-قايىرىمدلىق پويىزى اياسىندا ءتۇقجب قىزمەتكەرلەرى بارلىعى 30 ەلدى-مەكەندى ارالايدى دەپ جوسپارلانۋدا. "مەنىڭ قازاقستانىم" قوعامدىق-قايىرىمدىلىق پويىزى باراتىن ءار ەلدى-مەكەندە ارنايى ورىندار بەلگىلەنگەن. سول جەرلەردە تۇرعىندارعا جالپى جانە جەكەلەگەن كەڭەستەر بەرىلىپ، ەلباسىنىڭ "قول جەتىمدى باسپانا 2020" باعدارلاماسى كەڭىنەن تۇسىندىرىلەدى"،-دەيدى ءتۇقجب باسقارۋشى ديرەكتورى ەرۋلان جاماۋبايەۆ مىرزا. سونداي-اق، بانكتىڭ توپمەنەدجەرى، 23 ناۋرىزدا باستاۋ العان "مەنىڭ قازاقستانىم" پويىزىنىڭ ماڭىزدىلىعىن تۇسىندىرە كەلە، اتالمىش پوەزدا ەكونوميكا سالاسىنان وزگە، مينيسترلىكتەردىڭ وكلدەرى مەن دەپۋتاتتار، ونەر مايتالماندارى مەن دارىگەرلەر، قارجى سالاسىنىڭ ماماندارى ت.ب. الەۋمەتتىك قىزمەتكەرلەر دە بار ەكەنىن ايتقان. "ءبىزدىڭ پوەزدتىڭ باعىتىندا ءبىزى، الىس-الىس اۋىلدارعا بارامىز. ول جەرلەردە ءبىزدىڭ بانكتىڭ بولىمشەلەرى ورنالاسپاعاندىقتان، قانداي دا ءبىر ەكونوميكالىق جاڭالىقتار ول اۋىلدارعا كەش نەمەسە مەرزىمى ءوتىپ كەتكەندە بارىپ جەتىپ جاتادى. سوندىقتان اتالمىش پوەزد باراتىن شالعاي ەلدى-مەكەن تۇرعىندارىنا بانكتىڭ جۇمىسىمەن تانىستىرىپ، ەلباسىمىز نۇرسۇلتان ءابىش ۇلىنىڭ "نۇرلى جولدا" ناقتىلاپ كورسەتىپ بەرگەن جاڭا ەكونوميكالىق ساياساتىن ناسيحاتتايتىن بولامىز. سونىمەن قاتار، ءبىز اۋىل تۇرعىندارىنا مەملەكەت باسشىسىنىڭ حالىقتى الەۋمەتتىك تۇرعىن ۇيلەرمەن قامتاماسىز ەتۋ تۋرالى بەرگەن تاپسىرماسىنا سايكەس، شارتتاردى حالىققا ءتۇسىندىرۋدى كوزدەپ وتىمرىمىز. سونداي-اق، اكسيا اياسىندا اۋىل تۇرعىندارى ءتۇرلى الەۋمەتتىك قزمەت ماماندارىنان كەڭەستەر الا الادى. اكسيانىڭ نەگىزگى ءمانى دە وسىندا جاتىر"،-دەيدى جاماۋبايەۆ مىرزا. پوەزد ءقازىردىڭ وزىندە تايىنشا، اتباسار، حرومتاۋ،بەينەۋ،تۇركىستان جانە سارىاعاشتا بولىپ، حالىقپەن كەزدەسۋلەر ۇيىمداستىرىپ ۇلگەرگەن. ناتەجيەسىندە ءبىز جوعارىدا اتاپ وتكەن قىزمەت تۇرلەرىنە جۇگىنىپ، قول جەتىمدى باسپانا باعدارلاماسى بويىنشا ت.ب. سۇراقتارىنا جۇزدەگەن ادام تولىققاندى جاۋاپ الدى. "مەنىڭ قازاقستانىم" پوەزدىنىڭ كەلەسى باعىتى لۋگوۆوي، شۋ، سارىوزەك اۋىلى، ۇشتوبە، اياگوز، لەنينوگورسك، سەمەي، ەكىباستۇز، تەمىرتاۋ، جەزقازعان بولماق. اتالمىش جەرلەردە مەكەن ەتەتىن تۇرعىندار ءۇشىن ءتۇرلى بۇل تاپتىتماس مۇمكىندىك بولارى ءسوزسىز. ال پوەزد 24 ءساۋىر كۇنى استاناعا قايتا ورالادى. ايتا كەتۋ كەرەك، "مەنىڭ قازاقستانىم" پوەزدى قازاقستان حالقى اسسامبلەياسى جىلىنا، ەكىنشى دۇنيەجۇزىلىك سوعىستىڭ 70 جىلدىعىنا جانە كونستيتۋسيانىڭ 20 جىلدىعىنا ارنالىپ وتىر.