سوڭعى كەزدەرى الەمدىك ب ا ق بەتتەرىندە ءتۇرلى  تەرروريستىك توپتاردىڭ لاڭكەستىك ارەكەتتەرى تۋرالى ءجيى ايتىلىپ، جازىلۋدا. ءتۇرلى ءدىني ۇيىمداردىڭ اتىن جامىلىپ، جۇزدەگەن بەيبىت تۇرعىنداردىڭ ومىرىمەن ويناعاندارعا ءبىر ەلدىڭ نەمەسە ءبىر حالىقارالىق ۇيىمنىڭ ءامىرى جۇرمەيتىنى تۇسىنىكتى. الايدا، كەيبىر باتىستىق بۇقارالىق اقپارات قۇرالدارىندا اتالمىش تەرروريستىك، ەكستريميستىك توپتارعا جاسىرىن تۇردە قولداۋ ءبىلدىرىپ، قارجىلاندىرىپ وتىرعان مەملەكەتتەردىڭ بارىن ايتادى. سوڭعى كەزدە، بۇكىل ادامزاتتى اياعىنان تىك تۇرعىزعان "يشيم"  سودىرلارى پايدا بولىپ، مىڭداعان تۇرعىنداردىڭ ولىمىنەن جارتى الەمگە شوۋ جاسادى. بىرەۋلەرىن اتتى، بىرەۋلەرىن پىشاققا سالدى، ەندى بىرەۋلەرىن تىرىدەي ورتەپ جىبەردى. مىڭداعان وتباسىنىڭ شاڭىراعى ورتاسىنا وپىرىلىپ ءتۇستى. "The Times" كەلتىرگەن كەيبىر دەرەكتەردە، "يشيم" سودىرلارىنىڭ قولىنان قازا تاپقانداردىڭ سانى  ميلليوننان اسىپ جىعىلعان. انشەيىندە، بىر-بىرلەرىنىڭ اڭدىسىن اڭدىپ، ءا، دەسە اتوم بومباسىمەن، جوعارى ساناتتاعى اسكەري تەحنيكالارىمەن دوق كورسەتەتىن اقش تا ءۇنسىز، رەسەيدەن دە ءۇن جوق. بۇنى قالاي تۇسىنۋگە بولادى؟ تۇسىنەتىن تۇگى دە جوق. سەبەبى، الگىندەگى جالعان بەتپەردەلى تەرروريستەر شىن مانىندە ەشقانداي دا تەرروريستەر ەمەس تە. دۇنيەنىڭ تۇكپىر-تۇكپىرىنەن جينالعان تاپسىرما ورىنداۋشىلار عانا. ءقازىردىڭ وزىندە بەلگىلى بولعانداي،  "يشيم" ساپىندا 129 مەملەكەتتىڭ ازاماتتارى تىركەلگەن.

جالپاق جۇرت "ءيشيم-دى" اڭگىمە قىلىپ جۇرگەندە تاعى ءبىر لاڭكەستىك توپ پايدا بولدى. 2ء-ساۋىر كۇنى باتىس حريستياندارى ءدىني مەرەكەلەرىن تويلاپ جاتقاندا، سوماليدەگى "اش-شاباب" ەكستيريميستىك توبى كەنيانىڭ گاريسسا قالاسىنداعى ۋنيۆەرسيتەتتىڭ ستۋدەنتتەرى مەن وقىتۋشىلارىن باسىپ العان. لاڭكەستىك توپتىڭ سودىرلارى  كەپىلگە الىنعاندارعا كۇش كورسەتىپ، قارسىلىق كورسەتكەندەردى قىرىپ سالعان. قازىرگە بەلگىلى بولعانداي شاۋىلدان بارلىعى 147 ادام قازا تاۋىپ، بىرنەشە ونداعان ادام اۋىر جاراقاتتار العان.

وقيعا كۋاگەرلەرىنىڭ ءبىرىنىڭ بايانداۋىنشا، سۋىق قارۋلانعان بىرنەشە ادام ستۋدەنتتەر عيماراتىنا باسىپ كىرىپ، ولاردىڭ ءدىني سەنىمدەرىن سۇراعان. حريستيان ءدىنىنىڭ وكىلدەرىن تىلگە كەلمەستەن اتىپ سالىپ وتىرعان.

"ولار تۇگەلدەي قارۋلانعان. وقۋ عيماراتىنا باسىپ كىرىپ، بارىمىزدەن ءدىنىمىزدى سۇراي باستادى. كەنيا تۇرعىندارىنىڭ 80 پايىزى حريستيان ءدىنىنىڭ وكىلدەرى بولاتىن. ولار حريستيان ءدىنى وكىلدەرى مەن حريستوستان جاردەم سۇراعانداردى ءولتىرىپ تاستادى. ءولاردىڭ بىرەۋى "ءبىز اش-شابابتان بولامىز! بىزدەن قورقىڭدار!" دەپ داۋىستادى"،-دەيدى ۋنيۆەرسيتەت پرورەكتورى كوللينزا  ۆەتانگۋلى.

"The Times" باسىلىمىنىڭ جازۋىنشا، سودىرلار كەپىلگە الىنعان ستۋدەنتتەرگە كەنيا ۇكىمەتى باسشىلارىنا حابارلاسىپ، كەنيا اسكەرلەرىنىڭ سوماليدەن كەتۋىن تالاپ ەتكەن. قازىرگى تاڭدا كەنيا اسكەرلەرى ءبىر بەيسەنبىدە 147 ادامنىڭ جانىن قيعان "اش-شاباب" سودىرلارىن زالالسىزداندىرعان. ەندى شابۋىلدان اۋىر جاراقات العاندارعا "قىزىل كرەست" ۇيىمىنىڭ  بەلسەندىلەرى ءتۇرلى كومەكتەر  كورسەتۋدە.

نۇرزات توعجان