ۇلتتىق بانك ءتوراعاسى ەربولات دوسايەۆ دەپوزيتتەرگە قاتىستى وزگەرىستى جاريالادى، دەپ حابارلايدى Qamshy.kz اقپارات اگەنتتىگى Sputnik قازاقستان تىلشىسىنە سىلتەمە جاساپ. 

باس بانكيردىڭ سوزىنە قاراعاندا، شەتەل ۆاليۋتاسىن ەل ىشىندە ۇستاپ وتىرۋ ماقساتىندا ەكىنشى دەڭگەيلى بانكتەر ءۇشىن دەپوزيتتىڭ جاڭا ءتۇرى ەنگىزىلەدى. 

"ۆاليۋتالىق اكتيۆتەردى ەل ىشىندە ساقتاۋدى ىنتالاندىرۋ ءۇشىن جاڭا قۇرال رەتىندە 1 شىلدەدەن باستاپ بانكتەردىڭ ۇلتتىق بانكتەگى ۆاليۋتالىق دەپوزيتتەرى ەنگىزىلەدى. مۇنداي دەپوزيتتەردىڭ مەرزىمى – ءبىر اي. ال جىلدىق مولشەرلەمەسى 0،5 پروسەنتكە دەيىن بولادى"، - دەدى دوسايەۆ ۇكىمەتتىڭ بۇگىنگى وتىرىسىندا.

ونىڭ ايتۋىنشا، كەپىلدىك بەرۋ قورى ۇسىنعان قازاقستاندىق دەپوزيتتەر بويىنشا ەڭ جوعارى مولشەرلەمە وزگەرىپ وتىر.

"حالىقتىڭ تەڭگەدەگى مەرزىمدى ەمەس دەپوزيتتەرى بويىنشا ۇسىنىلعان مولشەرلەمەنى 2019 جىلدىڭ 1 شىلدەسىنەن باستاپ 10،5%-تەن 9،8%-كە دەيىن تومەندەتۋ تۋرالى شەشىم قابىلداندى. سونىمەن قاتار، بيىل 1 ماۋسىمنان باستاپ ون ەكى اي جانە ودان جوعارى مەرزىممەن شەتەل ۆاليۋتاسىنداعى جيناق پەن مەرزىمدى دەپوزيتتەر بويىنشا 2 پروسەنتكە دەيىن كوتەرىلدى. بۇل شارا بانكتەردىڭ مىندەتتەمەلەرىن ۇزارتۋعا باعىتتالعان"، - دەپ اتاپ كورسەتتى دوسايەۆ.