قازاقستاندا ەڭ جوعارى جالاقىنى كىمدەر الاتىنى اتالدى دەپ جازادى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

ق ر ۇەم ستاتيستيكا كوميتەتىنىڭ ۆەدومستۆونىڭ مالىمەتىنشە، 2019 جىلدىڭ ەكىنشى توقسانىندا ءبىر قىزمەتكەردىڭ ورتاشا جالاقىسى 186 537 تەڭگە بولدى. سالالىق قۇرىلىمدا ەڭ جوعارى جالاقى قارجى جانە ساقتاندىرۋ قىزمەتىندە - 458 000 تەڭگە، كەن ءوندىرۋ ونەركاسىبىندە جانە كەن شىعارىلاتىن ورىندا - 387 300 تەڭگە، كاسىبي، عىلىمي جانە تەحنيكالىق قىزمەت سالاسىندا - 315 100 تەڭگە، اقپارات جانە بايلانىس سالاسىندا - 274 800 تەڭگە، قۇرىلىس سالاسىندا - 233 000 تەڭگە بولدى.

اتاۋلى جالاقىنىڭ ەڭ تومەن دەڭگەيى اۋىل، ورمان جانە بالىق شارۋاشىلىعىندا - 112 900 تەڭگە، بۇل رەسپۋبليكا بويىنشا ورتاشا كورسەتكىشتەن 39،5 پايىزعا تومەن.

وڭىرلەردە ەڭ جوعارى جالاقى اتىراۋ وبلىسىندا بەلگىلەندى - 325 000 تەڭگە، بۇل ورتاشا رەسپۋبليكالىق كورسەتكىشتەن 1،7 ەسە ارتىق. جامبىل وبلىسىندا ونىڭ كولەمى 126 500 تەڭگەنى كورسەتتى، بۇل ەل بويىنشا ورتاشا دەڭگەيدەن 32،2 پايىزعا تومەن.