ۇلتتىق تەستىلەۋ ورتالىعىنىڭ ديرەكتورى مىندەتىن اتقارۋشى ديدار سماعۇلوۆ ماگيستراتۋرا بويىنشا سۇرانىس بولماعان ماماندىقتاردى اتادى دەپ حابارلايدى Qamshy.kz اقپارات اگەنتتىگى قازاقپارات سايتىنا سىلتەمە جاساپ.

«ەڭ ۇلكەن كونكۋرس كەلەسى ءبىلىم بەرۋ باعدارلامالارىنىڭ توبى بويىنشا بولىپ وتىر: ءبىرىنشى ورىندا – «قۇقىق». بۇل جەردە ءبىر ورىنعا تالاس 5،7 ادامدى قۇرادى. ياعني، 134 گرانتقا 759 ءوتىنىش كەلىپ ءتۇستى. ەكىنشى ورىندا – «فيلولوگيا» (ءبىر ورىنعا 4،2 ادام). سودان كەيىن «حالىقارالىق قاتىناستار» (ءبىر ورىنعا 3، 8 ادام)، «مەنەدجمەنت جانە باسقارۋ» (3،3 ادام)، سونداي-اق «تۋريزم» (3،1 ادام).

كەلەسى ءبىلىم بەرۋ باعدارلامالارىنىڭ توپتارى سۇرانىسقا يە بولمادى. ولار: «گيدروتەحنيكالىق قۇرىلىس»، «بيومەديسينا جانە اۋىل شارۋاشىلىعىن ەلەكتر ەنەرگياسىمەن قامتاماسىز ەتۋ». ەڭ كوپ ءوتىنىش قابىلدانعان تانىمال ءبىلىم بەرۋ باعدارلامالارىنىڭ توبىنا «اقپاراتتىق تەحنولوگيالار» (1187 ءوتىنىش)، «قۇقىق»، «مەنەدجمەنت جانە باسقارۋ»، «شەت ءتىلى پەداگوگتارىن دايارلاۋ»ەندى»، - دەدى ديدار سماعۇلوۆ.

ونىڭ ايتۋىنشا، اپەللياسياعا تەست تاپسىرمالارىنىڭ مازمۇنى بويىنشا 1580 ءوتىنىش قابىلدانعان. ونىڭ ىشىندە 346 ءوتىنىش قاناعاتتاندىرىلسا، 1296 ءوتىنىش قاناعاتتاندىرىلماعان.