1 قىركۇيەك كۇنى ەلىمىزدەگى بارلىق مەكتەپتەر جاس بۇلدىرشىندەرگە ەسىگىن ايقارا اشىپ، ءبىلىم كۇنىن اتاپ وتەدى. جاڭا وقۋ جىلىنىڭ باسىندا جامبىل وبلىسى جامبىل اۋدانى قاروي اۋىلدىق وكرۋگىندە ورنالاسقان «نۇر ءالىم» جەكەمەنشىك بالاباقشا مەكتەبىندە دە ارنايى مەرەكەلىك شارا ءوتتى دەپ جازادى Qamshy.kz اقپارات اگەنتتىگى.
ەلباسى 2020 جىلى بۇلدىرشىندەردى مەكتەپكە دەيىنگى ءبىلىم بەرۋ مەكەمەسىمەن قامتۋ دەڭگەيىن 100 پايىزعا جەتكىزۋ قاجەتىگىن تاپسىرعان بولاتىن. وسىعان وراي ءقازىر مەملەكەت پەن جەكەمەنشىك ارىپتەستىك اياسىندا بالاباقشالار اشىلۋدا. ياعني، كاسىپكەرلەر مەملەكەت جاساعان مۇمكىندىكتى جىبەرمەي، بالاپان باعدارلاماسىن جانداندىرۋعا دەن قويۋدا. وسى ماقساتتا جامبىل اۋدانى قاروي اۋىلدىق وكرۋگىندە مەملەكەتتىك تاپسىرىس اياسىندا اشىلعان «نۇر ءالىم» بالالاقشا مەكتەبى جۇمىسىن جاندىرىپ وتىر. ولاي دەيتىنىمىز 2018 جىلعا دەيىن تەك بالاباقشا رەتىندە جۇمىس جاساسا، وتكەن جىلدان بەرى مەكتەپ اشىپ، جاس بۇلدىرشىندەرگە باستاۋىش ءبىلىم بەرىپ كەلەدى. بۇگىندە 280 بالاباقشا جانىنان 350 ورىندىق باستاۋىش مەكتەپ بالالارعا ەكى تىلدە ءبىلىم بەرىلەدى. ايتا كەتەرلىگى، بالاباقشا مەكتەپتە قازىرگى تاڭدا ىرىكتەلىنىپ الىعنا 85 پەداگوگ مامان جۇمىس جاسايدى ەكەن. بيىلعى جىلى مۇنداعى مەكتەپ تابالدىرىعىنا 85 بالا اتتاپ وتىر.
ءبىلىم كۇنى مەرەكەسىنە ارنايى ۇيىمداستىرىلعان شاراعا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتىنىڭ باسشىسى راۆيل تولەبايەۆ، اۋداندىق ءبىلىم ءبولىمىنىڭ باسشىلارى مەن اتا-انالار قاتىستى. جيىندا راۆيل قۋانىشباي ۇلى بۇلدىرشىندەردى مەرەكەلەرىمەن قۇتتىقتاپ، مەكتەپ ۇجىمىنا شىعارماشىلىق تابىس تىلەدى. سونداي-اق اۋداندىق ءبىلىم ءبولىمىنىڭ سەكتور مەڭگەرۋشىسى دينارا قاسىموۆا اتالعان ءبىلىم وشاعىنىڭ جۇمىسىن جوعارى باعالاپ، وقۋ ۇدەرىسىندەگى جەتىستىكتەرىن اتاپ ءوتتى. ال اتا-انالار اتىنان ءسوز العان ايگۇل قابييەۆا اۋىلدىق جەردە ورىن تەپكەن مۇنداي مەكتەپتىڭ كوڭىلگە قۋانىش ۇيالاتىنىن تىلگە تيەك ەتىپ، ءوزى نەمەرەسىن وبلىس ورتالىعىنان ارنايى الىپ كەلگەنىن جەتكىزدى. سونىمەن قاتار ول مەكتەپ باسشىلىعىنا العىسىن ءبىلدىردى.
مەرەكەلىك شارادا مەكتەپ تابالدىرىعىن العاش اتتاعان اكىمبەك قۋانىشبەك پەن ەسميرا ماناربەك العاشقى قوڭىراۋ سوقتى. مۇنان سوڭ ءبىلىم وشاعىنىڭ شاكىرتتەرى ءان ايتىپ، بيدەن شاشۋ شاشتى.
پىكىر قالدىرۋ