اعىمداعى جىلدىڭ ەكىنشى ونكۇندىگىنەن باستاپ قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ جامبىل وبلىسى بويىنشا دەپارتامەنتى مەن جامبىل وبلىسى اكىمدىگىنىڭ دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن ۆولەيبولدان «تۇنگى ليگا» چەمپيوناتى باستاۋ الدى.

ويىننىڭ ماقساتى، جامبىل وبلىسىنىڭ مەملەكەتتىك قىزمەتشىلەرى اراسىندا سالاۋاتتى ءومىر سالتىن ناسيحاتتاۋ، دەنە شىنىقتىرۋ مەن سپورتپەن شۇعىلدانۋعا تارتۋ، مەملەكەتتىك قىزمەتشىلەر اراسىندا دوستىق قارىم-قاتىناستى نىعايتۋ بولىپ وتىر. سونىمەن قاتار، نەگىزگى ماقساتتاردىڭ ءبىرى جاساقتالعان كوماندالار اراسىندا ۇزدىك ويىنشىلاردى انىقتاپ رەسپۋبليكالىق جارىستارعا مەملەكەتتىك قىزمەتشىلەردىڭ وبلىستىق قۇراماسىن جاساقتاپ جىبەرۋ كوزدەلۋدە.

سونداي-اق، ءار مەملەكەتتىك قىزمەتشى اشىقتىقتى قامتاماسىز ەتۋ ءۇشىن بۇقارالىق اقپارات قۇرالدارىنىڭ وكىلدەرىمەن جانە ۇكىمەتتىك ەمەس ۇيىمدارمەن تىعىز قارىم قاتىناستا جۇرەدى. بۇل جاعدايدىدا ەسكەرە وتىرىپ ب ا ق وكىلدەرىنەن قۇرالعان 1 كوماندا، ۇكىمەتتىك ەمەس ۇيىمدارىنىڭ وكىلدەرىنەن قۇرىلعان 1 كوماندانى ويىنعا قاتىستىرىلىپ وتىر. بۇدان بولەك، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ جامبىل وبلىسى بويىنشا فيليالىنان 1 كوماندا قوسىلدى.

ۆولەيبولدان «تۇنگى ليگا» چەمپيوناتىندا ەكى توپ بار.

قازىرگى كەزدە «ا» توبىندا ورتالىق اتقارۋشى ورگانداردىڭ اۋماقتىق بولىمشەلەرىنەن، جەرگىلىكتى اتقارۋشى (وبلىس اكىمدىگى باسقارمالارى) ورگانداردان جانە ب ا ق قۇراماسى، ۇكىمەتتىك ەمەس ۇيىمدارداردىڭ قۇراماسى، اكادەميا فيليالىنان قۇرالعان 22 كوماندا ويىن كورسەتۋدە.

ال، «ب» توبىندا تاراز قالاسى مەن اۋدان اكىمدىكتەرى وزدەرىنە قاراستى بولىمدەردىڭ ىشىندە ۇيىمداستىرىپ وتكىزەتىن بولادى.

«تۇنگى ليگا» چەمپيوناتى ۇستىمىزدەگى جىلدىڭ 15 ماۋسىمنان باستاۋ الىپ، 2020 جىلدىڭ ماۋسىم ايىنا دەيىن ىرىكتەۋ كەزەڭى جالعاسادى. كەلەسى جىلدىڭ ماۋسىم ايىندا «ا» جانە «ب» توپتارىنان ەڭ جوعارعى ۇپاي سانىن جيناعان كوماندالار اراسىندا تاعى ويىن وتكىزىلەتىن بولادى.

جەڭىمپاز اتانعان كومانداعا مەملەكەتتىك قىزمەتشىلەر اراسىندا ۆولەيبولدان «تۇنگى ليگا» چەمپيونى اتاعى بەرىلەدى. جۇلدەگەر كوماندالار ءتيىستى دارەجەلى كۋبوكتار، مەدالدار مەن ديپلومدارمەن ماراپاتتالادى.