جامبىل وبلىستىق تاريحي-ولكەنتانۋ مۇراجايىندا ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا 4 اۋقىمدى جوبا جاسالعان. سونداي جوبالاردىڭ ءبىرىنىڭ اياسىندا جامبىلدىق ساياسي قۋعىن-سۇرگىن قۇرباندارى جايىنداعى دەرەكتەردى تولىقتىرۋ ءىسى قولعا الىنىپ وتىر، دەپ جازادى Qamshy.kz اقپارات اگەنتتىگى. 

ارحيۆ دەرەكتەرىندە قازاق حالقىنا ناۋبەت بولىپ ءتيىپ، ۇلت زيالىلارىن قۇربان ەتكەن ساياسي قۋعىن-سۇرگىن جىلدارى 4252 جامبىلدىقتىڭ جازالانعانى ايتىلعان. ونىڭ ىشىندە 988 ادام جازالاۋدىڭ ەڭ اۋىر تۇرىنە تارتىلىپتى. جاقىندا وبلىستىق تاريحي-ولكەتانۋ مۋزەيى ساياسي-قۋعىن سۇرگىنگە ۇشىراعان تۇلعالاردىڭ جەكە ارحيۆتەرى نەگىزىندە كورمە ۇيىمداستىردى. اتالعان شاراعا قاراعاندى وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسىنىڭ وكىلدەرى، «بولاشاق» اكادەمياسىنىڭ عىلىمي قىزمەتكەرلەرى مەن وقىتۋشىلارى، ە.بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ وقىتۋشى-عالىمدارى مەن قاراعاندى وبلىستىق تاريحي-ولكەتانۋ مۇراجايىنىڭ قىزمەتكەرلەرى ارنايى كەلىپ، كورمەگە وڭ باعاسىن بەرىپ كەتتى.

–كورمەگە تانىمال جۋرناليست سابىر ءايتحوجيننىڭ جەكە ارحيۆىنەن ارحيۆتىك قۇجاتتار مەن سۋرەتتەر جانە تۇتقىنداردىڭ انكەتالىق مالىمەتتەرى، قازاقتىڭ اسىل ازاماتتارى قابىلبەك سارىمولدايەۆتىڭ، سىدىق ابلانوۆتىڭ، تۇيمەباي اشىمبايەۆتىڭ، ماعازى ءماسانچيدىڭ، تۇرار رىسقۇلوۆتىڭ قايتىس بولعاندىعىن راستايتىن قۇجاتتار قويىلدى.سونداي-اق كورمەگە كەلۋشىلەردىڭ نازارىنا اعايىندى سۇلەيمەنوۆتەردىڭ تۋىسقاندارى مەن كارلاگ باسشىلىعى جازىسقان حاتتارى دا قويىلدى،– دەيدى وبلىستىق تاريحي-ولكەتانۋ مۇراجايىنىڭ ءبولىم مەڭگەرۋشىسى ىڭكار قازمادياروۆ.

راسىندا جامبىل وبلىسى تاريحىنىڭ ءدال وسى ساياسي قۋعىن-سۇرگىن جىلدارى كەزەڭى ءالى دە ۇلكەن عىلىمي ىزدەنىستى قاجەت ەتەدى. ويتكەنى بۇل جىلدارى وبلىستىڭ كەي اۋداندارى مەن اۋليەاتا قالا ۋەزدىك بولىنىستە سىرداريا، الماتى، قاراعاندى وبلىستارىنا قارادى. سوندىقتان قۋعىن-سۇرگىنگە ۇشىراعان جامبىلدىقتار جايىنداعى قۇندى دەرەكتەر اتالعان وبلىستىڭ مەملەكەتتىك مۇراعاتىنا بولۋى مۇمكىن. وعان قوسا سول سەكىلدى قۇزىرلى مەملەكەتتىك مەكەمەلەردىڭ ورنىنا قۇرىلعان ۆەدومستۆولاردىڭ مۇراعاتتارىنان دا تىڭ دەرەكتەر تابىلۋى عاجاپ ەمەس. ءبىر سوزبەن ايتقاندا ستاليندىك ساياساتتىڭ قۇربانىنا اينالىپ سايدا سانى، قۇمدا ءىزى قالماعان جامبىلدىق جامپوزدار جايىنداعى دەرەكقوردى تولىقتىرۋ ۋاقىت تالابى. ويتكەنى بۇل ەلباسى ماقالاسىندا ايتىلعانداي بولاشاق پەن تاريح اراسىنداعى ساباقتاستىق ءۇشىن قاجەت بولىپ وتىر.