بۇل جونىندە بۇگىن وڭىرلىك كوممۋنيكاسيالار الاڭىندا وتكەن بريفينگتە ءتۇپقاراعان اۋدانىنىڭ اكىمى ايدوس حامييەۆ مالىمدەدى.

-«اۋداندا حالىق سانى 1 شىلدەدەگى ەسەپ بويىنشا 32 مىڭ ادامدى قۇرادى، نەمەسە وتكەن جىلمەن سالىستىرعاندا 5،3%. ونەركاسىپ ونىمدەرىنىڭ ءوندىرىس كولەمى قاڭتار-قىركۇيەك ايلارىنا 422،4 ملرد. تەڭگەنى قۇرادى، نەمەسە وتكەن جىلمەن سالىستىرعاندا 26،5% ارتقان. 2019 جىلدىڭ قاڭتار-تامىز ايلارىندا اۋداندا 2،8 ملن. توننا شيكى مۇناي ءوندىرىلدى، بۇل وبلىس دەڭگەيىنىڭ 23،4 پايىزىن قۇرايدى.ناقتى كولەم يندەكستەرى 7 پايىزعا تومەندەگەن. تومەندەپ كەتۋ سەبەبى اۋدان كاسىپورىندارىنىڭ شيكى مۇناي ءوندىرۋ كورسەتكىشتەرىنىڭ تومەندەۋىمەن بايلانىستى بولىپ وتىر. قازىرگى تاڭدا بوزاششى جانە دوڭعا مۇناي كومپانيالارىمەن جىل اياعىنا دەيىن ءونىم ءوندىرۋ كولەمىن ارتتىرۋ بويىنشا كەلىسسوزدەر جۇرگىزىلۋدە»،-دەدى ا.تاڭعالي ۇلى.

اۋىلشارۋاشىلىق سالاسى بويىنشا اۋداندا ەكى باعىتتا: ەگىن مەن مال شارۋاشىلىعى بويىنشا دامۋدا. اۋىل شارۋاشىلىق ونىمدەرىنىڭ 2019 جىلعا جوسپارلانعان كولەمى 2 ملرد. تەڭگەنى قۇراعان.

اۋىل شارۋاشىلىق ونىمدەرى قاڭتار-تامىز ايلارىنا ورىندالىسى 1،2 ملرد. تەڭگە نەمەسە 100،4% بولعان. 2019 جىلى وسىمدىك شارۋاشىلىعى بويىنشا 230 گا ەگىن ەگىلىپ، 1،3 ملرد. تەڭگە بولاتىن 2000 توننا ءونىم الۋ جوسپارعا قويىلدى. بارلىق ەگىن شارۋاشىلىقتارى تامشىلاتىپ سۋارۋ ادىسىنە كوشىرىلدى. اۋدان بويىنشا 143 شارۋا قوجالىعى تىركەلگەن، ونىڭ 31 شارۋا قوجالىعى ەگىنمەن، ال 112 - مال شارۋاشىلىعىمەن اينالىسادى.

نەگىزگى كاپيتالعا سالىنعان ينۆەستيسيا كولەمى 2019 جىلدىڭ قاڭتار-تامىز ايلارىندا نەگىزگى كاپيتالعا سالىنعان ينۆەستيسيا كولەمى 31 ملرد تەڭگەنى قۇراپ، ءتيىستى كەزەڭمەن سالىستىرعاندا 19،2% جوعارى.

قۇرىلىس جۇمىستارىنىڭ كولەمى قاڭتار-تامىز ايىنا قۇرىلىس جۇمىستارىنىڭ كولەمى 8،3 ملرد. تەڭگەنى قۇراپ، 2018 جىلدىڭ سايكەس كەزەڭىمەن سالىستىرعاندا 2،6 ەسەگە كوپ.

كاسىپكەرلەردى قولداۋ باعىتىندا 2019 جىلدىڭ ەسەپتى كەزەڭىندە 25 ادامعا 123،8 ملن. تەڭگە نەسيە بەرىلىپ، 39 جۇمىس ورنى قۇرىلدى.

«نۇر كاپيتال» وڭىرلىك باعدارلاماسىمەن 2019 جىلدا 75،9 ملن. تەڭگەنىڭ 3 جوباسى قارجىلاندىرىلدى. ءقازىر بانكتەردىڭ قاراۋىندا 7 جوبا بار. جالپى سوماسى 148،9 ملن. تەڭگە.

بارلىق ەكونوميكالىق قىزمەت تۇرلەرىنىڭ جۇمىسشىلارىنىڭ ورتاشا جالاقىسى 2019 جىلدىڭ ەسەپتى كەزەڭىندە 185 مىڭ تەڭگەنى قۇراپ، وتكەن جىلدىڭ سايكەس توقسانىمەن سالىستىرعاندا 5،6%-عا ازايعان.

اۋدان بويىنشا 2019 جىلدىڭ 1 قىركۇيەگىنە شاعىن جانە ورتا كاسىپكەرلىك سالاسىنىڭ تىركەلگەن سۋبەكتىلەرىنىڭ سانى 2041 بىرلىكتى قۇرادى، ول 2018 جىلدىڭ سايكەس كەزەڭىمەن سالىستىرعاندا 8،9% جوعارى. بەلسەندى كاسىپكەرلىك سۋبەكتىلەرىنىڭ سانى 1851، ول وتكەن جىلدىڭ سايكەس كەزەڭىمەن سالىستىرعاندا 0،7% ارتتى. شاعىن جانە ورتا كاسىپكەرلىك سالاسىندا جۇمىسپەن قامتىلعاندار 3668 ادامدى قۇراپ، ول وتكەن جىلدىڭ سايكەس كەزەڭىمەن سالىستىرعاندا 4،4% ارتتى. شىعارىلعان ءونىم 5 ملرد. تەڭگە نەمەسە 124،7% قۇرادى.

«باستاۋ بيزنەس» جوباسى بويىنشا 2019 جىلعا 3 كەزەڭمەن 104 ادامدى وقىتىلىپ، 72 جوبا قورعالدى.  جاستار ءۇشىن اشىلعان وقۋعا 44 جاس وقىتىلىپ، ولاردىڭ 28  بيزنەس جوبالارىن قورعادى.