اقتاۋداعى حالىقارالىق، رەسپۋبليكالىق جارىستار، پاراوليمپيادا سىندى ايتۋلى دودالار وتەتىن جوعارى تالاپقا ساي نىسان. باسسەينگە ايىنا 4 مىڭ ادام كەلەدى ەكەن. سپورت مەكتەبىنىڭ وقۋشىلارى، ءتۇرلى مەكەمەلەردىڭ جۇمىسشىلارى، بەلگىلى سپورتشىلار كەلىسىمشارتپەن وسىندا جاتتىعادى.بۇدان بولەك، بۇقارا حالىق ارنالعان ۋاقىت تا بار. ارداگەرلەر، كوپبالالى وتباسى مۇشەلەرى، جاعدايى تومەن جانۇيانىڭ بالالارىنا جەڭىلدىكتەر قاراستىرىلعان. جاتتىقتىرۋشى ميراج ەرتىلەۋوۆ وسى ورىن اشىلعاننان بەرى ەڭبەك ەتىپ كەلەدى. 5 پەن 16 جاس ارالىعىنداعى بالالاردى جاتتىقتىرادى. كەلۋشىلەردىڭ ىشىنەن تالانتتى جەتكىنشەكتەردى ىرىكتەپ، جارىستارعا قاتىستىرىپ، سپورت مەكتەبىنە قابىلدانۋعا ىقپال ەتەدى.

-مۇندا كەلۋشىلەردىڭ جاسىنا شەكتەۋ جوق. ءوز جۇمىس ءادىسىمدى قالىپتاستىردىم. اسىرەسە، 5 جاسار بالالاردى جاتتىقتىرۋ جولىم وتە ناتيجەلى. اپتاسىنا 3 رەت 45 مينۋتتان جاتتىعامىز. بالالاردى جارىستارعا ءجيى قاتىستىرامىز،- دەيدى ميراج ەرتىلەۋوۆ.

وسىندا ساۋىقتىرۋ شارالارىنا ارنالعان باعدارلامالار دا بار. سوندىقتان دا جۇرەك سىرقاتىنا شالدىققاندار، ارقا قيسىعى، گيپەر بەلسەندى بالالاردى ەمدەۋ ءۇشىن ءجۇزۋ جاتتىعۋلار جاسالادى. دارىگەرلەردىڭ نۇسقاۋىمەن كەلىپ دەرتىنە داۋا تاپقاندار كوپ.

تەڭەلبەك سابىروۆ 14 جاستا. «تۋمىسىمان كەمتار بوپ تۋعانمىن. كەۋدە قۋىسىم قيسايعان. دارىگەردىڭ كەڭەسىمەن 3 جىلدان بەرى وسىندا جاتتىعامىن. سۋدا جاتتىعۋدەنساۋلىعىمنىڭ ايتارلىقتاي جاقسارتۋنا ۇلەس قوستى»،- دەيدى ول.

ال، شاكيرا رومانوۆا-سپورتشى. 10 جاسىندا كەلگەن ول باستاپقىدا قىزىق ءۇشىن، ەندى سپورتتاعى جەتىستىگىن شىڭداۋ ءۇشىن قاتىسىپ ءجۇر. 15 سەكۋندتا 25 مەتردى ءجۇزىپ وتەتىن جەتكىنشەك قىز ءۇشىن ءاربىر جەڭىسى قۋانىش. كومپيۋتەر الدىندا ويىن ويناپ، تەلەفون شۇقىلاۋمەن ۋاقىت وتكىزبەي، دەنساۋلىققا پايدالى حوببي تاپقانىنا ريزا.

ء-بىزدىڭ باسسەيندە 3 جاتتىقتىرۋشى بار. العاش كەلۋشىلەردى تەرەڭدىگى 50 سم شاعىن باسسەيندە ۇيرەتىپ الامىز. ابدەن يگەرگەن سوڭ ۇلكەن باسسەينگە اۋىستىرامىز. ايتۋلى شارالار دا ءجيى وتەدى. جارىستا ورەرمەندەرگە ارنالعان 200 ورىن بار. جۇزۋگە ارنالعان 8 ءدالىز جولى، ۇزىندىعى 25 مەتر، تەرەڭدىگى 3 مەتر بولاتىن باسسەين حالىقارالىق تالاپتارعا ساي كەلەدى، دەيدى «اقتاۋ Fit life» سپورت كەشەنىنىڭ باسقارما باسشىسى شىنار شاريپوۆا.

سالاۋاتتى ءومىر سالتىن قالىپتاستىراتىن ورىندا قاۋىپسىزدىك شارالارى قاتاڭ ساقتالادى. ارنايى ماماندار سۋدىڭ تازالىعى مەنجىلۋىن كۇنىنە بىرنەشە مارتە تەكسەرەدى. سۋ تازالاۋ، ۋلترا كۇلگىن ساۋلەلەرمەن زالالسىزداندىرۋ اۆتوماتتى جۇيەدە جۇرەدى. قاۋىپسىزدىك بەلدىگى، تاقتايشا، كەۋدەشە، شەڭبەرمەن تولىقتاي قامتاماسىز ەتىلگەن. جاتتىقتىرۋشىلار مەن قۇتقارۋشىلار كۇنى بويى جۇمىس ىستەيدى. بۇل نىسان جىلدىڭ بارلىق ماۋسىمىندا سالاماتتى ءومىر ءسۇرۋدى قامتاماسىز ەتە بەرمەك.