ماڭعىستاۋدا ۇلتتىق جول اكتيۆتەرى ساپاسى ورتالىعى 2019 جىلدىڭ ناۋرىز ايىندا اشىلدى. اتالعان ورتالىقتىڭ نەگىزگى ماقساتى – اۆتوموبيل جولدارىن باقىلاۋدى قامتاماسىز ەتۋ. جاڭادان قۇرىلعان مەكەمەنىڭ مىندەتى – رەسپۋبليكالىق جانە اۋداندىق ماڭىزى بار جولدار مەن جۇمسالاتىن ماتەريالداردى قاداعالاۋ، ساپاسى مەن نەگىزگى جاعدايىن تەكسەرۋ.
-«ءبىز ۋاقىتىلى باسقارما وكىلدەرىنە قاي جول قانداي جاعدايدا، ساپاسى قانداي جوندەلۋ جۇمىستارى قانداي بارلىعىن انىقتاپ ايتاتىن بولامىز. مىسالى وزدەرىڭىز بىلەسىزدەر اقتاۋ - جاڭاوزەن جولدار قالاي جاسالعانىن. ءدال سونداي جۇيەنى ءبىز اۋداندارعا دا ەنگىزۋ باستى مىندەتىمىز بولىپ وتىر. جول بويىنشا ءقازىر شەشىلمەگەن ماسەلە كوپ، سول سەبەپتى دە اكىمشىلىكپەن بىرگە جۇمىس جاسايمىز. ەندىگى جەردە جول قۇرىلىسى باستالماس بۇرىن پايدالانىلاتىن قۇرىلىس ماتەريالدارى الدىن-الا تەكسەرىلەتىن بولادى»، - دەدى «ۇلتتىق جول اكتيۆتەرى ساپاسى ورتالىعىنىڭ» ديرەكتورى تۇربەك سپانوۆ.
بۇگىندە بەس دەڭگەيدەگى ساپانى تەكسەرىپ وتىرۋ وبلىس كولەمىندەگى رەسپۋبليكالىق جانە حالىقارالىق ماڭىزى بار جولدارعا ەنگىزىلىپ، ءوز جۇمىستارىن اتقارۋدا. بولاشاقتا بۇل جۇيە قالا جانە اۋدانارالىق جولدارعا دا ەنگىزىلگەلى وتىر.
پىكىر قالدىرۋ