پرەزيدەنت قاسىم-جومارت توقايەۆ ۇلتتىق بانك ءتوراعاسى ەربولات دوسايەۆتى قابىلدادى، - دەپ حابارلايدى Qamshy.kz اقپارات اگەنتتىگى اقوردا سايتىنا سىلتەمە جاساپ.
مەملەكەت باسشىسىنا ۇلتتىق بانك قىزمەتىنىڭ جانە ەلىمىزدەگى قارجى نارىعىنىڭ سوڭعى 9 ايداعى جاعدايى، ينفلياسيانى نىسانالى ءدالىز شەڭبەرىندە ساقتاۋ، ەكونوميكانى كرەديتتەۋدىڭ ساپالى ءوسۋىن قامتاماسىز ەتۋ تۋرالى باياندالدى.
سونىمەن قاتار جەڭىلدىكپەن نەسيەلەۋ باعدارلامالارىن ىسكە اسىرۋ شارالارى، ەكىنشى دەڭگەيلى بانكتەر اكتيۆتەرىنىڭ ساپاسىن تاۋەلسىز باعالاۋ جونىندە مالىمەت بەردى.
ە.دوسايەۆ مەملەكەت باسشىسىنىڭ بۇعان دەيىن بەرگەن تاپسىرمالارىنىڭ ورىندالۋ بارىسى جايىنا دا توقتالدى.
اتاپ ايتقاندا، ۇلتتىق بانك ءتوراعاسى پرەزيدەنتتىڭ قيىن جاعدايعا تاپ بولعان ازاماتتاردىڭ تۇتىنۋ كرەديتتەرى بويىنشا قارىزدارىن كەشىرۋ، ايىپپۇلدار مەن ءوسىمپۇلداردى قىسقارتۋ جونىندەگى تاپسىرماسى بويىنشا اتقارىلعان جۇمىستاردىڭ قورىتىندىسى تۋرالى ايتتى.
پرەزيدەنت ۇلتتىق بانك ءتوراعاسىنا قارجى سەكتورىنداعى جۇمىستاردى ءتيىمدى ۇيلەستىرۋدى تاپسىردى.
پىكىر قالدىرۋ