تۇركيا پرەزيدەنتى رەجەپ تايىپ ەردوعان ەگيپەتتەگى احۋالدارعا شولۋ جاسادى. وندا تۇرىك پرەزيدەنتى ەگيپەتتىڭ نەگىزگى باسشىسى موحاممەد مۋرسي ەكەندىگىن ايتىپ، ال قازىرگى بيلىك باسىنداعىلاردى وكۋپپانتتار دەپ ايىپتادى. بۇل تۋرالى «قامشى» پورتالى «تۇرىك راديوسىنا» سىلتەمە جاساي وتىرىپ حابارلايدى.

سونداي-اق، تۇرىك ليدەرى ءوزىنىڭ مالىمدەمەسىندە ەگيپەتتىك سودىرلار تاراپىنان «مۇسىلمان باۋىرلارى» ۇيىمىنىڭ 13 مۇشەسىن ناقاق ءولىم جازاسىنا كەسىلگەندىگىن  سىنعا العان.

«مەن اس-سيسي-گە قارسى شىققانىم ءۇشىن مەنى كوبى كىنالايدى ەكەن.  مەن ەلىمدەگى دەموكراتياعا جانە حالقىمنىڭ ەركىندىگىنە سەنگەن ەكەنمىن، مەن ادام بوستاندىعىن، ەركىندىگىن تۇمشالاۋشىلارمەن تاباندىلىقپەن كۇرەسەتىن بولامىن. قايتالاپ ايتامىن، ەگيپەتتىڭ ناعىز پرەزيدەنتى – موحاممەد مۋرس. ال قازىرگى بيلىك باسىنداعىلار باسبۇزارلار مەن سودىرلار. وكۋپپانتتار»،- دەدى تايىپ ەردوعان.

ەگيپەتتىڭ قازىرگى بيلىگى «مۇسىلمان باۋىرلارىنىڭ» سوڭىنا تۇسكەن. 1 شىلدە كۇنى جەرگلىكتى پوليسيا كاير ماڭىنداعى «مۇسىلمان باۋىرلارىنىڭ» ۇيىنە شابۋىل جاساپ، وندا ونداعان مۇسىلماندى قىرىپ تاستاعان. ولاردىڭ ىشىندە، بۇرىنعى بيلىك باسىنداعىلار، پارلامەنت دەپۋتاتتارى، مۇسىلمان باۋىرلارىنىڭ ەڭ باستى زاڭگەرى ناسسەر ءال-حافي دە بار بولاتىن. ولاردىڭ بارلىعى دا شەيىت بولعان. جەرگىلىكتى جانە حالىقارالىق باق-تا قازا تاپقانداردىڭ بارلىعى دا قارۋسىز بولعاندىعى ايتىلۋدا،-دەگەن تۇرىك پرەزيدەنتى ر.ەردوعان.

نۇرزات توعجان