استانادا  قۇرىلىس جۇمىستارى ءجۇرىپ جاتقان عيماراتتاردىڭ بىرىنەن، 20 مەترلىك بيىكتىكتەگى اسپالى ساتىدان  3 بىردەي قىزمەتكەر قۇلاپ، قازا تاپقان. بۇل تۋرالى «قامشى» پورتالى يا NewTimes.kz-كە سىلتەمە جاساي وتىرىپ حابارلايدى.

قايعىلى وقيعا استانا قالاسى، تۇران كوشەسىندەگى «كوپفۋنكسيونالدى مۇز ايدىنى» عيماراتىندا ورىن العان. بۇل تۋرالى استانا قالاسى تجب باسپاسوز-قىزمەتى حابارلاعان.

«جاڭا سالىنىپ جاتقان «كوپفۋنكسيونالدى استانا مۇز ايدىنى» عيماراتتىڭ 20 مەترلىك بيىكتىگىندە مونتاجداۋ جۇمىستارىن جۇرگىزىپ جۇرگەن 6 قۇرىلىسشى جىپكە اسىلىپ قالعان. ولار «Mabco Construction S.A» فيرماسىنىڭ استاناداعى فيليالى قىزمەتكەرلەرى بولعان. قۇرىلىسشىلاردىڭ قۇلاۋىنا قولايسىز اۋا-رايى سەبەپ بولعان. سالدارىنان 3 ازامات وتە اۋىر جاراقات الىپ، جان ساقتاۋ بولىمىنە جەتكىزىلسە، 3 ازامات وقيعا ورنىندا قازا تاپقان»،-دەيدى تجب مالىمدەمەسىندە.

كەيبىر دەرەككوزدەرىنە سۇيەنسەك، قازا تاپقانداردىڭ  ۇشەۋى دە دە كوسوۆو رەسپۋبليكاسىنىڭ ازاماتتارى. قازىرگى تاڭدا ولاردىڭ ازاماتتىعى تۋرالى مالىمەتتەر ناقتىلانعان جانە ولار №2- قالالىق اۋرۋحاناعا جەتكىزىلگەن.

قازا تاپقاندار:

1. بلەرين كادريۋ 1981 جىلى تۋعان،

2. بەكيم دۋرميش – مالىمەت انىقتالۋدا،

3. ازياتتىق كەيىپتەگى ەر ادام، مولشەرمەن جاسى  40-45 جاس.

اۋرۋحاناعا جەتكىزىلگەندەر:

1. اۆجي ماكسۋتي 1979 جىلى تۋعان،

2. بيكولي يسۋف 1956 جىلى تۋعان،

3.  35-40 جاستاعى ەر ادام، مالىمەتتەرى انىقتالۋدا.

نۇرزات توعجان

«قامشى» سىلتەيدى