بۇگىن مەملەكەت جانە قوعام قايراتكەرى، "سەرپىن" ۇلتتىق جوباسىنىڭ ءتوراعاسى مۇرات ابەنوۆ مىرزامەن كەزدەسىپ، اتالمىش جوبا اياسىندا شەتەلدەن كەلەتىن ەتنيكالىق قازاق جاستارىن سولتۋستىك ايماكتارعا تارتۋ، وقىتۋ، جۇمىسپەن قامتاماسىز ەتۋ جونىندە اقىلداستىم. بۇل ماسەلە جونىندە مۇرات اعامىز ءوزى دە ءبىرازدان بەرى ويلانىپ ءجۇر ەكەن. ارى قاراي اڭگىمەمىز جاراسىپ، بۇيىرسا، ءبىراز شارۋالار جاساۋعا كەلىستىك. العاشقى ادىمدا ونىڭ ناقتىلى جوباسىن ازىرلەۋ كەرەكتىگىنە توقتالدىق.
«ءبىلىم تۋرالى» قازاقستان رەسپۋبليكاسىنىڭ زاڭىنىڭ 66-بابىندا «1.قازاقستان رەسپۋبليكاسىنىڭ ازاماتتارى بولىپ تابىلمايتىن ۇلتى قازاق ادامداردىڭ قازاقستان رەسپۋبليكاسىندا ءبىلىم الۋعا قۇقىعى بار. 2.مەملەكەت شەتەلدەگى قازاق دياسپوراسىنىڭ ءبىلىم الۋ قاجەتتىلىكتەرىن قاناعاتتاندىرۋعا جاردەمدەسەدى» دەپ اشىق جازىلعان. سوعان ساي، ۇكىمەت ءار جىلى شەتەلدەن كەلەتىن 1400 بالاعا دەپ ارنايى گرانت بولەدى.
ونىڭ ۇستىنە، ەلباسى تاپسىرماسىمەن ۇكىمەت ورالمانداردى قونىستاندىرۋدا باسىمدىق بەرىلەتىن بەس وبلىستى بەلگىلەگەنىن بىلەسىزدەر. ماجىلىستە تالقىلانىپ جاتقان "حالىقتىڭ كوشى-قونى تۋرالى" جاڭا زاڭ جوباسىندا اتالعان ايماقتارعا قونىستاناتىن اعايىندارعا جەڭىلدىكتەر قاراستىرىلعان.
ءبىر قىزىعى، بۇدان بۇرىنعى جىلدارى سول دايىندىق بولىمدەرىندە وقيتىن ورالمان ستۋدەنتتەردى ونسىزدا حالقى لىقسىپ وتىرعان وڭتۇستىك وبلىستارعا ورنالاسقان جوو-نا ءبولىپ كەلگەن.
مۇرات ابدۋلاميتۇلىنا وسى جاعدايلاردى بايانداپ بەردىم.
ءبىز سول دايىندىق بولىمدەرگە كەلەتىن قازاق جاستارىن دا وسى "سەرپىن" باعدارلاماسىنىڭ اياسىنا بەرىپ، ولاردى كەلگەن بەتتە بىردەن حالقى شالاڭ، جۇمىس كۇشى جەتىسپەيتىن سولتۇستىك ايماقتارعا جىبەرگەن دۇرىس دەگەن پىكىرگە توقتادىق. ول ءۇشىن ءبىلىم مينيسترلىگىنىڭ كەلىسىمى كەرەك.
بۇلاي بولعاندا جاڭا كەلگەن جاستار بىتىراماي، دەلدالدارعا دا جەم بولماي، ءبىر ورتالىقتان باسقارىلاتىن ەدى...
ءتىپتى ءقازىردىڭ وزىندە "سەرپىن" باسشىسى ون ۇل، ون قىز - جيىنى جيرما بالانى استانا ماڭىنداعى كوللەدجەن وقىتۋعا ءازىر ەكەنىن ايتتى. وقۋ تەگىن، جاتاق جانە ءۇش مەزگىل تاماكپەن قاماتاماسىز ەتەدى. شارت - "سەرپىندە" كورسەتىلگەن وبلىستاردان بولۋ كەرەك. وقىعىسى كەلەتىندەر جەكەمە حابارلاسۋىنا بولادى.
اۋىت مۇقيبەك، facebook
