قازاقستاننىڭ كەيبىر ايماقتارىندا وسى اپتادا اۋا تەمپەراتۋراسى 46 گرادۋسقا دەيىن بارادى. اپتا بويىنا اۋا رايىنا جاسالعان بولجامدارعا قاراپ، ەل ۇكىمەتى ەسكەرتۋ جاسادى. ىشكى ىستەر مينيسترلىگىنە قاراستى توتەنشە جاعدايلار كوميتەتى ىستىق كۇندەردىڭ اپتا بويىنا ساقتالاتىنىن ايتىپ وتىر.

شىلدەنىڭ 14-18 ارالىعىندا قاراعاندى، جامبىل وبلىستارىندا اۋا تەمپەراتۋراسى 40-43 گرادۋسقا كوتەرىلەدى دەگەن بولجام بار. بۇعان دەيىن تۇرعىندارى اپتاپ ىستىقتان ۇيلەرىنەن شىعا الماي قالعان  وڭتۇستىك قازاقستان مەن قىزىلوردا وبلىستارىندا شىلدەنىڭ 17-سىنە دەيىن اۋا تەمپەراتۋراسى  46 گرادۋسقا دەيىن جەتپەك. شىلدەنىڭ 20-سىنا دەيىن الماتى وبلىسىندا دا كۇن رايى كۇرت قىزباق. ەلىمىزدىڭ شىعىسىندا  كۇن 43 گرادۋسقا شىعىپ، قۇرعاق تەمپەراتۋرا تۇرماق. 

31.kz