«استانا ەكسپو-2017» ۇلتتىق كومپانياسىنىڭ ەكس-توراعاسى تالعات ەرمەيايەۆ بۇكىلالەمدىك كورمەگە بولىنگەن قارجىنى جىمقىردى دەگەن كۇدىكپەن قاماۋعا الىنعان بولاتىن. ەرمەگيايەۆ ىسىنە قاتىستى تەرگەۋ جۇمىستارىنىڭ العاشقى مالىمەتتەرى پايدا بولدى. بۇل تۋرالى ق ر مەملەكەتتىك قىزمەت جانە سىبايلاس جەمقورلىقپەن كۇرەس اگەنتتىگىنىڭ اپپارات جەتەكشىسى ايگۇل شايموۆا مالىمدەگەن. بۇل تۋرالى «قامشى» پورتالى kazpravda.kz - كە سىلتەمە جاسايدى.

تەرگەۋ جۇمىستارىنىڭ قورىتىندىسى بويىنشا «استانا ەكسپو-2017» ۇلتتىق كومپانياسىنىڭ ەكس-توراعاسى تالعات ەرمەيايەۆ ەكسپو كورمەسىنىڭ جۇمىستارىنا بولىنگەن  4 ملرد. 200 ملن. تەڭگەنى جىمقىرعان. 

«قازىرگى تاڭدا تالعات امانگەلدى ۇلى  كومپانيانىڭ بۇرىنعى قىزمەتكەرلەرىمەن بىرگە، اففيلييرلەنگەن تۇلعالار، جالعان مەردىگەر كومپانيالار جەتەكشىلەرى – اسا ءىرى كولەمدە بيۋدجەت قارجىسىن قولدى قىلعان دەگەن كۇدىكپەن ۇستالعان بولاتىن. قازىرگى كۇندە تەرگەۋ قورىتىندىلارى ناقتىلاندى. ەكسپو-2017 كومپانياسىنىڭ ەكس-توراعاسى تالعات ەرمەگيايەۆ جىمقىرىلعان قارجىنىڭ ەسەبىنەن قولما-قول– 4 ملرد. 200 ملن. تەڭگە سىياقى العان. اتالمىش ىسكە قاتىسى بار دەگەن كۇدىكپەن تاعى 10 ادام تەرگەۋگە الىنعان.ولاردىڭ بارلىعى ءقازىر ءۇي قاماعىنا الىندى»،-دەيدى ايگۇل شايموۆا.
ەستەرىڭىزگە سالا كەتەيىك، 13 ماۋسىم كۇنى № 2 استانا قالاسىنداعى الماتى اۋداندىق سوتىنىڭ شەشىمىمەن ەرمەگيايەۆ تۇتقىندالعان. كەيىن تەرگەۋ جۇمىستارى قورىتىندىسى شىققانعا دەيىن ءۇي قاماعىنا جىبەرىلگەن. سونىمەن قاتار، "استانا ەكسپو-2017" قۇرىلىسى دەپارتامەنتىنىڭ ەكس-ديرەكتورى قاجىمۇرات ۇسەنوۆ تە قىلمىستىق ىسكە قاتىسى بار دەگەن كۇدىكپەن ءۇي قاماعىنا الىنعان بولاتىن.

نۇرزات توعجان