گۇلىم:
-بۇل جوبا بويىنشا «بولاشاقپەن» شەت ەلگە وقۋ تولىقتىرۋ قاراستىرىلعان با؟ نەگىزى قانداي ماماندىقتار بويىنشا كوپ گرانت بولىنگەن؟
- «سەرپىن-2050» جوباسىن «بولاشاق» باعدارلاماسىنىڭ ءبىرىنشى كەزەڭى دەپ قابىلداۋ كەرەك. ويتكەنى، «بولاشاق» بويىنشا باكالاۆريات جوق. ءبىز بولاشاق ءۇشىن جاقسى ماماندار دايارلايمىز. «سەرپىن-2050» جوباسىمەن وقىعاندار «بولاشاقپەن» وقۋعا مۇمكىندىگى بار. ال، ماماندىقتارعا كەلسەك، جالپى جوو-لار ءۇشىن بولىنگەن 5 مىڭ گرانتتىڭ 3 مىڭى تەحنيكالىق، 1500ء-ى پەداگوگيكالىق، 300 اۋىلشارۋاشىلىعى، 200ء-ى ۆەتەريناريا سالاسىنا بولىنگەن. جوو-لار ءۇشىن جالپى سانى 62 ماماندىق، كوللەدجدەر ءۇشىن 47 ماماندىق جوباعا كىرىپ وتىر. كاسىپتىك-تەحنيكالىق وقۋ ورىندارى ءۇشىن بولىنگەن گرانتتار سانى 1200. وسى ماماندىقتاردى يگەرىپ شىققان كەز كەلگەن ازامات كەيىن «بولاشاقپەن» ءبىلىم جالعاستىرۋىنا بولادى.
قازاق 86:
- ءسىز ءبىلىم جانە عىلىم ءمينيستىرنىڭ ورىنباسارى قىزمەتىن اتقاردىڭىز. بۇرىنعى مينيستر جۇماعۇلوۆ جەكە مەنشىك ۋنۆيەرسيتەتتەردى قىسقارتىپ، ستاندارتقا ساي ەمەستەرىن جابا باستاعان بولاتىن، ال قازىرگى مينيستر ۇلتتىق ۋنيۆەرسيتەتتەردى جارتىلاي جەكە مەنشىككە، ياعني اكسيونەرلىك قوعام رەتىندە قالدىرىپ جاتىر. سىزشە وسى قانشالىقتى دۇرىس؟
- مەنىڭ ويىمشا، تالاپقا سايكەس كەلمەگەن ۋنيۆەرسيتەتتەردى جابۋ كەرەك. ول مەيىلى جەكەمەنشىك بولسىن، مەيىلى مەملەكەتتىك بولسىن. تالاپقا ساي كەلمەسە، ولاردى ۇستاپ وتىرۋدىڭ قاجەتى جوق. ويتكەنى، ساپاسىز مامان دايارلاۋ ەل ەكونوميكاسىنا زيان كەلتىرەتىن ءىس. ءوز باسىم، جوعارى وقۋ ورىندارىنىڭ باسەكەەلستىككە قابىلەتتى، ءتيىمدى باسقارۋ ادىستەرىمەن جۇمىس جۇرگىزگەنىن قولدايمىن. ال، باسەكەلەستىك ناتيجەسىندە ساپالى دۇنيەلەر جاساۋعا بولادى. وكىنىشكە وراي، كەيبىر مەملەكەتتىك جوعارى وقۋ ورىندارىندا ماسىلدىق باسىم. قارجىنى مەملەكتەتەن الادى، ماتەريالدىق-تەحنيكالىق بازانى مەملەكەتتىڭ ەسەبىنەن جاڭارتادى، بارلىق شىعىن مەملەكەتتىڭ مويىنىندا. ءبىراق، سوعان سايكەس ناتيجە كورە الماي وتىرمىز. جەكەمەنشىك وقۋ ورىندارى ءتيىمدى ءارى ىزدەنىسپەن قىزمەت اتقارۋعا ءماجبۇر. ناتيجەسىندە ساپالى كادر دايارلاۋعا كوشۋگە ءتيىس ولار. دەگەنمەن، بىردەن بارلىق وقۋ ورىندارىن جەكەمەنشىك قىلۋدىڭ مۇمكىندىگى جوق شىعار. بۇل ماسەلە بىرتە-بىرتە رەتتەلەتىنى ءسوزسىز.
ايدىن:
- ءبىلىم سالاسىنداعى جەمەڭقورلىقتار تۋرالى نە ايتاسىز؟ قازىرگى كۇنى ماگيستراتۋرا، دوكتورانتۋرا گرانتتارىنىڭ بازارعا اينالىپ كەتكەنىن بىلەسىز بە؟ ءبىلىم بەرۋ سالاسىنداعى ۇزاق جىلدىق تاجيربەڭىزگە ساي جەمقورلىقتىڭ الدىن الۋ كىلتى قايدا دەپ ويلايسىز؟
- ەگەر ناقتى دەرەكتەر بولسا ايتىڭىز، ءوز تاراپىمنان جەمقورلىقپەن كۇرەسۋگە بارىمدى سالامىن. «جاڭارۋ» سىبايلاس جەمقورلىققا قارسى جالپىۇلتتىق قوزعالىس ءتوراعاسىنىڭ ورىنباسارى رەتىندە سىبايلاس جەمقورلىقپەن كۇرەسۋ ماڭىزدى قوعامدىق جۇمىستارىمىزدىڭ ءبىرى. الايدا، ناقتى دەرەكتەر بولۋى كەرەك. وكىنىشكە قاراي، بىزدە دەرەكتەردەن كورى قاۋەسەت كوپ كەزدەسەدى. دەگەنمەن، جەمقورلىقتىڭ كەز كەلگەن سالاعا دەندەپ ەنىپ العانىن مويىندايمىز ءبارىمىز. وعان قارسى كۇرەس جالپىۇلتتىق سيپاتقا اينالماسا، ناتيجە شىعارۋ قيىن. سول سەبەپتى، ءبىلىم سالاسىنداعى سىبايلاس جەمقورلىق ماسەلەسىنە الاڭداعانىڭىز ءۇشىن العىس بىلدىرەمىن.
ايمان:
- باعدارلامادا جاسقا شەكتەۋ بار ما؟ مەن وتىزداعى جاسپىن. وتىز جاستى جاس دەپ ەسەپتەمەيدى ءبىزدىڭ ەلدە. ءبىراق ءبىلىم الۋدان ءالى دە ءۇمىتىم بار.
- ەلىمىزدە ازاماتتاردىڭ ءبىلىم الۋى ءۇشىن زاڭنامالىق تۇرعىدا شەكتەۋ جوق.
ايشا:
- سۇرايىن دەپ ەدىك، ول باعدارلاماعا ورىستىلدىلەر قاتىسا ما؟
-ۇبت مەن كەشەندى تەستلەۋدى قازاق تىلىندە تاپسىرعان بولسا، تالاپكەردىڭ قاي تىلدە ءبىلىم بەرەتىن مەكتەپتە وقىعانى ماڭىزدى ەمەس.
الۋا:
- باعدارلاما بويىنشا سول ايماقتان جۇمىس، باسپانا تاۋىپ بەرە الا ما؟
- وسىنداي مازمۇنداعى ساۋالعا ءسوز باسىندا تولىعىراق جاۋاپ بەردىم دەپ ويلايمىن.
ازامات:
- اسسالاۋماعالەيكوم، اگا مەن كوللەدج بىتىرگەنمىن. ەندى جوعارى ءبىلىم العىم كەلەدى. باعدارلاماعا كاتىسا الامىن با؟ ول ءۇشىن كەشەندى تەست تاپسىرىلا ما؟
- يا، قاتىسا الاسىز، ەگەر ماڭعىستاۋ، قىزىلوردا، وڭتۇستىك قازاقستان، جامبىل، الماتى وبلىسىنىڭ تۇرعىنى بولساڭىز جانە كت (كەشەندى تەستىلەۋ) تاپسىرعان جاعدايدا جوعارعى وقۋ ورنىنا گرانتقا ءتۇسۋ مۇمكىندىگى بار. www.serpin-2050.kz سايتىندا «ماماندىقتار» بولىمىنە كىرسەڭىز، سوندا جوو جانە كوللەدجدەرگە 2015 جىلعا بولىنگەن ماماندىقتار جانە گرانتتار سانى كورسەتىلگەن.
سامال:
- قۇجاتتاردى ينتەرنەت ارقىلى تاپسىرىپ، ماماندىق تۋرالى، باعدارلاماعا كاتىساتىن وكۋ ورنى تۋرالى اكپارات الۋ جاعى ويلاستىرىلعان با؟
-سامال، www.serpin-2050.kz سايتتىندا «ماماندىقتار» بولىمىنە كىرسەڭىز، سوندا جوو جانە كوللەدجدەرگە 2015 جىلعا بولىنگەن ماماندىقتار جانە گرانتتار سانى كورسەتىلگەن. قازىرگى كەزدە جوباعا ينتەرەنت رەسۋرستار ارقىلى قۇجات تاپسىرۋ قاراستىرىلماعان. ەسكەرتە كەتەيىن، «سەرپىن» جوباسىنا تەك ماڭعىستاۋ، قىزىلوردا، وڭتۇستىك قازاقستان، جامبىل، الماتى وبلىستارىنىڭ جاستارى قاتىسا الادى. سول وبلىستاردا ارنايى شتابتار، قابىلداۋ كوميسسيالارى جۇمىس ىستەۋدە. كوللەدجدەر مەن ۋنيۆەرسيتەتتەرگە قۇجات قابىلداۋ سول جەرگىلىكتى جەرلەردە جۇرگىزىلەدى. تولىق ماعلۇماتتار سايتتا بار.
ايجان:
ء-سىز اتاپ كورسەتكەن باعدارلامادا كانداي ماماندىقتار كامتىلعان؟
-ايجان، www.serpin-2050.kz سايتىندا «ماماندىقتار» بولىمىنە كىرسەڭىز، سوندا جوو جانە كوللەدجدەرگە 2015 جىلعا بولىنگەن ماماندىقتار جانە گرانتتار سانى كورسەتىلگەن. ەسكەرتە كەتەتىن جايت، «سەرپىن» جوباسىنا تەك ماڭعىستاۋ، قىزىلوردا، وڭتۇستىك قازاقستان، جامبىل، الماتى وبلىستارىنىڭ جاستارى قاتىسا الادى. «سەرپىن-2050» جوباسىنا بيىل 6200 گرانت ءبولىندى. ولاردىڭ 5 مىڭى جوعارى وقۋ ورىندارى ءۇشىن، 1200ء-ى كوللەدجدەر ءۇشىن قاراستىرىلعان. جوبادا تەحنيكالىق ماماندىقتارعا باسىمدىق بەرىلگەندىگىن اتاپ وتكەن ءجون. 5000 جوعارى ءبىلىم گرانتىنىڭ 3000-ى تەحنيكالىق ماماندىقتارعا بولىنگەن. سول 3 مىڭ گرانتتىڭ 2900-گە جۋىعى فيزيكا ءپانىن ءتورتىنشى ءپان رەتىندە تاڭداعان تۇلەكتەرگە بۇيىرايىن دەپ تۇر. ياعني، ۇبت مەن كەشەندى تەستلەۋ كەزىندە تالاپكەرلەر تاڭدايتىن 7 ءپاننىڭ ىشىندە «سەرپىن-2050» جوباسى بويىنشا فيزيكا ءپانى كوش باستاپ تۇر. ماسەلەن، فيزيكا ءپانىن تاڭداعان جاستار ءۇشىن 34 ماماندىق ۇسىنىلىپ وتىر. ولاردىڭ 27ء-سى تەحنيكالىق، 6-اۋى ءبىلىم بەرۋ، 1-ەۋى اۋىلشارۋاشىلىعى سالاسىنا ارنالعان. بۇل ماماندىقتار بولىنگەن گرانت سانى جوعارى وقۋ ورىندارى ءۇشىن قاراستىرىلعان گرانتتاردىڭ 70 پايىزىن قۇرايدى. ودان كەينىگى ورىندا بيولوگيا ءپانى تۇر. بۇل ءپاندى تاڭداعان جاستار 15 ماماندىقتىڭ بىرىنە يە بولۋى مۇمكىن. ولاردىڭ ىشىندە 6 ماماندىق ءبىلىم بەرۋ سالاسىنىڭ، 6 ماماندىق اۋىلشارۋاشىلىعى، 2 ماماندىق ۆەتەريناريا، 1 ماماندىق تەحنيكا سالاسىنان بولىنگەن. ءۇشىنشى ورىندا حيميا ءپانى تۇر. بۇل ءپان بويىنشا 6 ماماندىق قاراستىرىلعان. ولاردىڭ 5-ەۋى تەحنيكالىق، بىرەۋى ءبىلىم بەرۋ سالاسىنىڭ ماماندىعى. مىنە، مۇنىڭ ءوزى ماماندىق تاڭداۋدا مەيىلىنشە مۇقيات بولۋعا ماجبۇرلەيدى. تەستلەۋ كەزىندە تاڭدالاتىن 7 ءپاننىڭ ىشىندە قازاق ادەبيەتى، دۇنيەجۇزىلىك تاريح، گەوگرافيا، شەت ءتىلى سىندى پاندەر بويىنشا بولىنگەن ماماندىقتار كوپ ەمەس. شەت ءتىلى ءۇشىن 1 عانا ماماندىق قاراستىرىلسا، قالعان ءۇش ءپان بويىنشا ءارقايسىسى 2 ماماندىقتان كوزدەلگەن.
گۇلسىم:
- سالەمەتسىزدەر مە؟ مەنىڭ اكە-شەشەم بىلتىر شەت تىلدەرى ۋنيۆەرسيتەتىنە اقىلى بولىمگە تاپسىرتقان ەدى. ءبىر جىلىمدى اياقتادىم. ەندى ءۇش سۇراعىم بار ەدى: 1. سىزدەردە شەت ءتىلى ماماندىقتارى بار ما؟ 2. بىتىرگەن كۋرسىمدى ارى قاراي جالعاستىرا الامىن با؟ 3. الدە بارلىعىن باسىنان باستاپ تاپسىرىپ، باسقا تالپىنىس جاساۋ قاجەت پە؟
-گۇلسىم، كۋرستى ودان ارى قاراي جالعاستىرۋ جوبادا قاراستىرىلماعان، ءبىراق ءسىز كت (كەشەندى تەستىلەۋ) تاپسىرعان جاعدايدا جوعارعى وقۋ ورنىنا گرانتقا ءتۇسۋ مۇمكىندىگى بار. شەت ءتىل ماماندىعى بار. www.serpin-2050.kz سايتتىندا «ماماندىقتار» بولىمىنە كىرسەڭىز، سوندا جوو جانە كوللەدجدەرگە 2015 جىلعا بولىنگەن ماماندىقتار جانە گرانتتار سانى كورسەتىلگەن. ەسكەرتە كەتەتىن جايت، «سەرپىن» جوباسىنا تەك ماڭعىستاۋ، قىزىلوردا، وڭتۇستىك قازاقستان، جامبىل، الماتى وبلىستارىنىڭ جاستارى قاتىسا الادى.
تۇردىبەك قۇرمەتحان:
- مەملەكەتتىك گرانت كونكۋرسىنا قاتىسقاندا مەملكەتتىك ءتىل قازاق ءتىلىنىڭ باعاسى الىنىپ تاستالماسىن، ماگيستراتۋرا مەن دوكتورانتۋراعا تۇسۋگە ۇمىتكەرلەر الدىمەن قازاق تىلىنەن ەمتيحان تاپسىرسىن دەگەن ۇسىنىستاردى العا قويىپ ءبىلىم جانە عىلىم مينيسرىنە اشىق حات جازعان ەدىم (http://qamshy.kz/home/show/223). قوعام قايراتكەرى رەتىندە ول ۇسىنىستارعا نە دەيسىز؟ مەملەكەتتىك ءتىلدىڭ 5- ءپان رەتىندە سانالىپ جالپى ناتيجەدەن الىنىپ تاستالۋى قازاق ەلىنىڭ ازاماتى رەتىندە ءسىزدىڭ دە نامىسىڭىزعا تيەتىن شىعار؟
-تۇردىبەك قۇرمەتحان، ءيا، ءتىلدى دامىتۋ ماسەلەلەسىنە كەلگەندە اتقارار جۇمىستار بار. بۇل ۇسىنىسىڭىزعا مەملەكەتشىلدىك جاعىنان قاراستىرار بولساق، ارينە جان-جاقتى سارالاپ ساليقالى شەشىم شىعارۋ كەرەك. بولاشاقتا كورسەتىلگەن ماسەلە ءوز شەشىمىن تابادى دەگەن سەنىمدەمىن. مەن سىزگە «كوش جۇرە تۇزەلەدى» - دەگەندى ايتقىم كەلەدى.
تەمىربەك:
- اعا، اسسالاۋماعالەيكوم. بۇرىن ۋنيۆەرسيتەت بىتىرگەندەر جوباعا قاتىسا الا ما؟ اتا-انامنىڭ ارمانىمەن تۇسكەن وقۋىمدى ءبىتىرىپ ەدىم. ەندى ءوز ارمانىمداعى ماماندىقتى يگەرگىم كەلەدى.
-تەمىربەك، ەگەر ءسىز ۋنيۆەرسيتەتتە اقىلى تۇردە ءبىلىم الساڭىز وندا «سەرپىن» جوباسى بويىنشا كوللەدج نەمەسە كت (كەشەندى تەستىلەۋ) تاپسىرعان جاعدايدا جوعارعى وقۋ ورنىنا گرانتقا ءتۇسۋ مۇمكىندىگى بار. بۇل جوبا اياسىندا سول وڭىردە جۇمىسقا تۇرۋ مۇمكىندىگى بار. www.serpin-2050.kz سايتتىندا «ماماندىقتار» بولىمىنە كىرسەڭىز، سوندا جوو جانە كوللەدجدەرگە 2015 جىلعا بولىنگەن ماماندىقتار جانە گرانتتار سانى كورسەتىلگەن. ەسكەرتۋ، «سەرپىن» جوباسىنا تەك ماڭعىستاۋ، قىزىلوردا، وڭتۇستىك قازاقستان، جامبىل، الماتى وبلىستارىنىڭ جاستارى قاتىسا الادى.
جومارت:
-اعا، ماگيستراتۋرا سەرپىن باعدارلاماسىندا بار ما؟
-بۇگىنگى كۇنگە جوبا اياسىندا ماگيستراتۋرا بويىنشا ءبىلىم الۋ قاراستىرىلماعان. جوعارىدا ايتقانىمداي، وتاندىق جوو- لار مەن «بولاشاق» ارقىلى شەتەلدەردە ءبىلىمىن جالعاستىرۋعا بولادى.
ءالجان:
- ماماندىقتاردىڭ ءتىزىمىن كورسەتەسىزدەر مە؟ بۇرىن نەگە بۇل باعدارلاما تۋرالى اشىق ايتىلماعان؟
-باعدارلاما جايلى تولىق اقپاراتتى www.serpin-2050.kz سايتىنان كورسەڭىز بولادى. سول سايتتا «ماماندىقتار» بولىمىنە كىرسەڭىز سوندا جوو جانە كوللەدجدەرگە 2015 جىلعا بولىنگەن ماماندىقتار جانە گرانتتار سانى كورسەتىلگەن. «سەرپىن» جوباسىنا تەك ماڭعىستاۋ، قىزىلوردا، وڭتۇستىك قازاقستان، جامبىل، الماتى وبلىستارىنىڭ جاستارى قاتىسا الادى.
اسەل:
