جاقىندا رەسەيلىك ينتەرنەت-باسىلىم - Life News الەۋمەتتىك جەلىدەگى ءوزىنىڭ رەسمي پاراقشاسىندا «ۋكراينا پرەزيدەنتىنىڭ «بورات» فيلمىندەگى ءاندى قازاقستاننىڭ «گيمنى» دەپ ورىنداتىپ قويعان 10 مينۋتتىق ۆيدەونى» جاريالاعان بولاتىن. بۇل تۋرالى «قامشى» پورتالى قوعام قايراتكەرى مۇرات ابەنوۆتىڭ «فەيسبۋك» الەۋمەتتىك جەلىسىندەگى رەسمي پاراقشاسىنا سىلتەمە جاساي وتىرىپ حابارلايدى. قوعام قايراتكەرىنىڭ الەۋمەتتىك جەلىدەگى مالىمدەمەسى قازاقستاندىق باق-تا جاريالانعان. وندا مۇرات ابدۋلاميت ۇلى – ق ر ءرامىزىن مازاق قىلعان ۆيدەوعا ق ر ازاماتى رەتىندە بەيجاي قارامايتىنىن جانە بۇل ۆيدەونى تاراتۋشى ارنانىڭ كورسەتىلىمدەرىن قازاقستان اۋماعىندا جابۋ كەرەكتىگىن ايتقان. سونداي-اق، مالىمدەمەدە اتالمىش پروۆاكاسيالىق ۆيدەوعا ءبىزدىڭ قۇزىرلى ورگاندار ءلام-ميم دەپ ءۇن قاتپاعاندىعى ايتىلعان.
«مەن قازاقستان رەسپۋبليكاسىنىڭ ازاماتى رەتىندە مىنا ۆيدەو مەنىڭ نامىسىما تيەدى. رەسەيلىك ينتەرنەت-باسىلىم Life News وزدەرىنىڭ الەۋمەتتىك جەلىلەردەگى رەسمي پاراقشاسىندا ۋكراينا پرەزيدەنتى پەتر پوروشەنكونىڭ قازاقستان رەسپۋبليكاسى «گيمنىنىڭ» ورنىنا «بورات» فيلمىندەگى قازاقستاندى مازاق قىلعان ماعىناسىز ءاندى ورىنداپ تۇرعانى بەينەلەنگەن ۆيدەونى جاريالاعان. ال ق ر كونستيتۋسياسىنا سايكەس، Life News ارناسى قازاقستان تەرريتورياسىنداعى ارنالارى جابىلۋى ءتيىس. سوت ساراپتاماسىنا دەيىن ءبىز قازاقستاندى مازاق قىلعان ۆيدەونى پاراقشادان ءوشىرۋدى تالاپ ەتە الامىز. ولار اتالمىش ۆيدەونى ءوشىرىپ، بىزدەن كەشىرىم سۇراۋى ءتيىس. ءبىز بۇعان قۇقىلىمىز. مەنى تاڭقالدىراتىنى ءبىزدىڭ باسپروكۋراتۋرا مۇنداي ماعىناداعى دۇنيەلەرگە بىلق ەتپەيدى دە. قانداي دا ءبىر رەاكسيا بولۋ كەرەك قوي»،-دەيدى مۇرات ابەنوۆ مىرزا.
سونداي-اق، ءبىزدىڭ شەنەۋنىكتەر دە جاۋاپقا تاتىلۋى ءتيىس، - دەيدى قوعام قايراتكەرى. ونىڭ پىكىرىنشە، ءبىزدىڭ شەنەۋنىكتەر قازاقستان تەرريتورياسى اۋماعىندا تاراتىلاتىن بارلىق ەلەكتروندىق باق-تى باقىلاۋدا ۇستاۋعا ءتيىس.
«ءبىز بۇل زاڭداردى تەك ءوزىمىزدىڭ باق-تى جازالاۋ ءۇشىن عانا قابىلدامايمىز عوي. الدە، ادەتتەگىدەي قۇدايى كورشىمىزدىڭ باسسىزدىعىنا ۇندەمەي، دوسپىز دەپ قويا سالامىز با؟! مەن قازاقستان رەسپۋبليكاسىنىڭ ازاماتى رەتىندە مەنىڭ ەلىمنىڭ ۇجدانىن قورعاۋدى تالاپ ەتەمىن. ەگەر كەرەك بولسا، رەسمي قۋدالاۋعا دەيىن دايىنمىن، بۇل ءىستى»،-دەيدى مۇرات ابەنوۆ.
راس. قازاقستان رەسپۋبليكاسىنىڭ مەملەكەتتىك رامىزدەرى وسىمەن ءبىرىنشى رەت قورلانىپ وتىرعان جوق. بىلدەي ءبىر وليمپيادالاردا اتاسى قۇرىعىر «بوراتتىڭ ءانىن» ق ر ءانۇرانى رەتىندە قولداندى، قاسيەتتى كوك تۋىمىزبەن قوقىستى تاسىپ، كۇرەسىن جاپتىق، ءىش كيىم ەتىپ بۇتقا ورادىق. ءيا، مەملەكەتتىك ءرامىزىمىزدى قورلاعانداردىڭ ەشقايسىسى دا ءتيىستى جازالارىن العان جوق. ال كەرىسىنشە، ءپاتريوتيزمنىڭ ۇلگىسىن كورسەتىپ، كوك تۋىمىزدى كوككە كوتەرىپ، قازاقستاندىق كاسىپقوي بوكسشى گەنناديي گولوۆكيننىڭ جەڭىسىنەن كەيىن بالكونعا ءىلىپ قويعان جىگىتكە اياماي كەلىپ ايىپپۇل سالامىز-اۋ.
ال وزگە مەملەكەتتىڭ بىلدەي ءبىر تەلەارناسى – قازاقستاننىڭ ءانۇرانىن اشىقتان-اشىق مازاقتاسا دا ءبىزدىڭ باس پروكۋراتۋرا بىلق ەتپەيدى.
نۇزات توعجان
پىكىر قالدىرۋ