كەشە قازاقستان مەن قىرعىزستان اراسىندا وتكەن ەكىجاقتى كەلىسسوزدەر بارىسىندا ق ر پرەمەر-مينيسترى كارىم ءماسىموۆ پەن قىرعىز پرەمەرى تەمير سارييەۆ كەزدەستى.  بۇل تۋرالى «قامشى» پورتالى «ۆەچەرنىي بيشكەك» باسىلىمىنا سىلتەمە جاساي وتىرىپ حابارلايدى.

كەزدەسۋ بارىسىندا قىرعىز تارابى ءچۇي وبلىسىنا قاراستى حالىقارالىق تراسسا ارقىلى باسىپ وتەتىن مەملەكەتتىك شەكاراعا قاتىستى جەكەلەگەن كەلىسسوزدەر جۇرگىزۋدى،   ماسەلەنى ءبىرجاقتى ەتۋدى ۇسىندى.

سارييەۆتىڭ ايتۋىنشا، توكموك اۋدانىنا تيەسىلى بىشكەك – توعاۋىت تاس جولىنىڭ ىستىق كولگە باستار بولىگى قازاقستان تەرريتوياسى ارقىلى وتەدى.ونىڭ جالپى اۋماعى 800 مەتردى قۇرايدى.

«ءبىز بىشكەكتەن ىستىق كولگە بارۋ ءۇشىن مىندەتتى تۇردە قازاقستان تەرريتورياسىن باسىپ وتەمىز. بار بولعانى 800 مەتردەن كەيىن قايتا ءوز شەكارامىزعا كىرەمىز. بۇل ءبىر سوقىر ىشەك(اپپەنديسيت) سياقتى. وسىنى ەسكەرە كەلە، ءبىز شەكارا ماڭىنداعى اۋماققا قاتىستى ەكى جاققا دا ءتيىمدى شەشىم قابىلداۋدى ۇسىنامىز. ونىڭ ۇستىنە جاقىن ارادا ءبىز وداققا مۇشە بولىپ قابىلداناتىنىمىز بار، ورتاق ەكونوميكالىق وداققا مۇشە بولىپ قابىلدانار بولساق، ءبىز اتالمىش اۋماقتى ءوز قاراجاتىمىزعا ۇستايتىن بولامىز»،-دەيدى ساريۆ مىرزا.

نۇرزات توعجان