رەسەيدىڭ استاراحان وبلىسىنا قاراستى كالينينو اۋىلىنداعى  ورتا مەكتەپتەردىڭ بىرىنە قازاقتان شىققان  عالىم، اكادەميك ەرەجەپ مامبەتقازييەۆتىڭ اتى بەرىلدى.   بۇل تۋرالى «قامشى» پورتالى baq.kz-كە سىلتەمە جاساي وتىرىپ حابارلايدى.

رەسەيلىك اكادەميك، حيميا عىلىمدارىنىڭ دوكتورى – ەرەجەپ مامبەتقازييەۆ كالينينو اۋىلىنداعى اتالمىش ورتا مەكتەپتىڭ تۇلەگى بولعان. اكادەميك مامبەتقازييەۆ ەرەجەپ ءالحايىر ۇلى قازاقستاننىڭ تۇڭعىش ءبىلىم جانە عىلىم ءمينيسترى، ق ر جوعارعى كەڭەسىنىڭ 12 شاقىرىلىمىنىڭ دەپۋتاتى بولعان. الەمدەگى جەتەكشى جوو-لاردىڭ قۇرمەتتى پروفەسسورى، گەرمانياداعى حالىقارالىق اقپاراتتاندىرۋ اكادەمياسى شتاب-پاتەرىنىڭ ۆيسە-پرەزيدەنتى. 
ەرەجەپ مامبەتقازييەۆ 1963 جىلى ءقازپي-دى بىتىرگەن. 1993 - 1995 جىلدارى ق ر ءبىلىم ءمينيسترى قىزمەتىن اتقارعان.

سۆەتلانا لاتۋنوۆا،  استراحان وبلىسى ۆولودار اۋداندىق ءبىلىم بەرۋ اكىمشىلىگىنىڭ باسشىسى:

-مۇنداي شەشىمگە اۋىل تۇرعىندارى ءبىراۋىزدان كەلگەن. اۋىل تۇرعىندارىنىڭ بۇل شەشىمى ءبىلىمدى، دارىندى جەرلەستەرىنە دەگەن قۇرمەتىن بىلدىرەدى. ول كىسىنىڭ نەگىزگى عىلىمي جۇمىستارىنىڭ باعىتى كوورديناسيالىق قوسىلىستار ەلەكترحيمياسى؛ تابيعات قورلارىن ءتيىمدى پايدالانۋ مەن قورشاعان ورتانى قورعاۋدىڭ حيميالىق، بيولوگيالىق ادىستەرىنە ارنالعان.

مامبەتقازييەۆتىڭ تىكەلەي قاتىسۋىمەن 1996 جىلى جاڭا تەحنولوگيالار ەنگىزۋ جونىندەگى نەمىس كونسەرنى «شتوكحاۋزەن» مەن «الدوس» فيرماسىنىڭ بازالىق كاسىپورنى قازاقستان-گەرمان-رەسەي ەكولوگيالىق ورتالىقتارى اشىلدى.

وسى ورتالىقتار نەگىزىندە تازا سۋ جانە جاڭا تەحنولوگيالار ۇزي قۇرىلدى. مامبەتقازييەۆ «پاراسات» وردەنىمەن، «ق ر ءبىلىم مەن عىلىمىنىڭ دامۋىنا قوسقان ەرەن ۇلەسى ءۇشىن» توسبەلگىسىمەن ماراپاتتالعان.
700-دەن اسا عىلىمي ەڭبەكتەرى اقش، ەۋروپا، جۇڭگو، مونعوليا ەلدەرىندە قايتا باسىلىپ شىقتى.

نۇرزات توعجان