قازاقستان تاۋەلسىزدىگىن العان جىلداردان بەرى تۇڭعىش قازاق ازاماتى عارىشقا ۇشادى دەگەن اقپارات تاراعالى بوركىمىزدى اسپانعا اتىپ قۋانباعانىمىز جوق شىعار. ءيا، تۇڭعىش بولىپ توقتار اۋباكىروۆ، ارتىنان تالعات ۇشقانىمەن، ءبىرى كسرو، ەندى ءبىرى رف اتىنان ۇشقاندىعى بەلگىلى. ەندى مىنە، تاۋەلسىز قازاقستاننىڭ اتىنان عارىش كەڭىستىگىنە تاعى ءبىر باتىر اتتانباقشى. ول عارىشكەر- ايدىن ايىمبەتوۆ.

قازاقستاندىق عارىشكەر ايدىن ايىمبەتوۆتىڭ عارىشقا ۇشۋ ساپارى 20 ميلليون دوللاردى قۇرايدى. بۇل تۋرالى «قامشى» پورتالى ازاتتىق سايتىنا سىلتەمە جاساي وىتىرپ حابارلايدى.

بۇل تۋرالى جەرگىلىكتى اقپارات قۇرالدارىنا قازاقستان اەروعارىشتىق كوميتەت ءتوراعاسىنىڭ ورىنباسارى ەرعازى نۇرعالييەۆ مالىمدەدى.

نۇرعالييەۆتىڭ ايتۋىنشا، "روسكوسموسقا" ازىرگە قارجى اۋدارىلماعان. كوميتەت وكىلى قارجىنىڭ قاي ۋاقىتتا تولەنەتىنىن ايتقان جوق.

19 شىلدەدە ايدىن ايىمبەتوۆتىڭ عارىشتىق ساپارعا جاي عانا "قاتىسۋشى" ەمەس، №2 بورتينجەنەر قىزمەتىن اتقاراتىنى بەلگىلى بولعان.

قازاقستاندىق عارىشقا ۇشۋدان ءۇمىتتى ەكى قازاقستاندىق - ايدىن ايىمبەتوۆ پەن مۇحتار ايماحانوۆ 2007 جىلى رەسەيدىڭ يۋريي گاگارين اتىنداعى عارىشكەرلەر دايىنداۋ ورتالىعىندا دايىندىعىن اياقتاعان. ەكەۋىنىڭ ءبىرى 2009 جىلى كۇزدە حالىقارالىق ەكيپاج قۇرامىندا عارىشقا ۇشۋعا ءتيىس ەدى. ءبىراق قازاقستان جاعى قارجى تاپشىلىعىنا سۇيەپ عارىشكەر ۇشىرۋدى كەيىنگە قالدىردى.

نۇرزات توعجان