الماتى قالاسىنىڭ  اكىمى احمەتجان  ەسىموۆ سەل كەزىندە سۋ قويماسىنىڭ الابىنداعى ۇيلەردىڭ   كوبى جەر زاڭناماسىنىڭ تالاپتارى بويىنشا سالىنباعان باسپانالار ەكەنىن مالىمدەدى. بۇل تۋرالى «قامشى» پورتالى  TengrinewsTV-گە سىلتەمە جاساي وتىرىپ حابارلايدى.

ەسىموۆتىڭ سوزىنە سەنسەك، سەلدىڭ سالدارىنان زارداپ شەككەن ۇيلەردىڭ باسىم بولىگى - جەر زاڭناماسىنىڭ تالاپتارىن بۇزۋ ارقىلى بوي كوتەرگەن باسپانالار. بۇگىنگى تاڭدا سەلگە بايلانىستى قالادا توتەنشە جاعدايدىڭ جاريالانعانى بەلگىلى، ەندى سوعان بايلانىستى زارداپ شەككەندەرگە بەلگىلى ءبىر سوما تولەنەدى.

"قوردا 679 ميلليون تەڭگە بار، الايدا ءماسليحاتتىڭ سەسسياسىندا ونى 2 ميلليارد تەڭگەگە ۇلعايتۋ تۋرالى شەشىم قابىلداندى.ءبىراق ول سومانىڭ بارلىعى اپاتتىڭ سالدارىنان كەلگەن شىعىندى وتەۋگە جۇمسالادى دەگەندى بىلدىرمەيدى"، - دەدى ەسىموۆ.اكىمنىڭ ايتۋىنشا، ءۇي مەن كولىك مۇلىك رەتىندە ساقتاندىرىلۋى ءتيىس، سوندىقتان ايتىلعان سوما زارداپ شەككەندەرگە "ۇلەستىرىلەدى" دەپ ويلاۋ جاڭساقتىق ەكەن. سوندا ايتۋلى سوما قايدا ۇلەستىرىلەدى؟ جەر تەلىمدەرى ساتىلىپ، وعان ارنايى قۇجات بەرىلەردە اكىمدىك ايماقتىڭ ءقاۋىپتى ەكەنىن نەگە ەسكەرتپەگەن؟ سوندا اتالمىش وقيعاعا اققان سەل دە، اعىتىلىپ تۇسكەن سۋ قويماسى دا، ونى باقىلاۋعا الماعان جاۋاپتى ادامدار دا كىنالى ەمەس قوي. كانىلى جەر تەلىمدەرىن تاۋلى اۋماقتان العان، ءۇيى تاستى سەلدەن اعىپ كەتكەن حالىق بولعانى ما؟