بۇگىن اقتوبە قالالىق اۆتوبەكەتىن قارۋلانعان بەلگىسىز بىرەۋلەر باسىپ العان. ءقازىر اۆتوبەكەتتى ارنايى قىزمەت ماماندارى مەن ۇقق قىزمەتكەرلەرى تولىقتاي قورشاۋعا العان. بۇل تۋرالى «قامشى» پورتالى Timeskz.kz-كە سىلتەمە جاساي وتىرىپ حابارلايدى.
«ساپار» اۆتوبەكەتىن تازالاۋ وپەراسياسى بۇگىن كۇندىزگى ساعات 10:00 شاماسىندا اياقتالعان. اۆتوبەكەت جانىندا ورنالاسقان «شىعىس» جانە «مەرەي »ساۋدا ۇيلەرى ءقازىر جۇمىستارىن جالعاستىرۋدا. اۆتوبەكەتتى قۇقىق قورعاۋ قىزمەتكەرلەرى تولىقتاي قورشاۋعا العان. بەكەت اۋماعىندا كولىك جۇرىستەرى توقتاتىلىپ، ءورت ءسوندىرۋ جانە جەدەل جاردەم قىزمەتكەرلەرى كەزەكشىلىك ەتۋدە.
ازىرگە، «ساپار» اۆتوبەكەتىندە جارىلىس نەمەسە اتىس دىبىستارى ەستىلمەگەن. ال اقتوبە وبلىستىق ءىىد-نىڭ باسپا ءسوز قىزمەتى «ارنايى وقۋ-جاتتىعۋلارى جۇرگىزىلۋدە» دەگەن مالىمدەمە جاساعان.
