قازاقستانداعى ۇساق ساۋدا نارىعىندا سوڭعى ۋاقىتتا "حالال" انىقتاۋىشىن قولدانۋ سانگە اينالعانى بەلگىلى. "حالال" سىن ەسىمىن ءبىرى ءسان ءۇشىن، ەندى ءبىرى پايدا تابۋدىڭ كوزى دەپ تۇسىنەتىندىگى جاسىرىن ەمەس. ءتىپتى، جاقىندا "حالال سىرا" دەگەن ۇعىم پايدا بولعان. بۇل ءوز كەزەگىندە تۇرعىنداردىڭ نارازىلىعىن تۋدىرعان. بۇل تۋرالى "قامشى" پورتالى 31 ارناعا سىلتەمە جاساي وتىرىپ حابارلايدى.

الماتىنى بەيبەرەكەت ىلىنگەن جازۋلارعا قاراپ ناعىز حالال قالا دەپ اتاۋعا بولادى. كافە مەن دۇكەندى قوسپاعاندا، حالال ءسوزىى مونشا، سپورتزال، ويىنحانا، ستوماتولوگيا، ءتىپتى كولىك جۋۋ مەن جوندەۋ ورتالىقتارىنا دەيىن قولدىنىلىپ كەتكەنى دە جاسىرىن ەمەس. بۇل تۋرالى وسىعان دەيىن دە قازاقستاندىق ب ا ق از جازباعان.

ەندى مىنە، قالادان شەتكەرىدە ورنالاسقان اينابۇلاق ىقشاماۋدانىندا «حالال سىرا» دەگەن سىراحانا پايدا بولىپتى.

سىراحانانىڭ اشىلعانىنا ءۇش جىل بولعان. الايدا  «حالال» دەگەن جازۋ وندا  جاقىندا عانا پايدا بولىپتى. تۇرعىنداردىڭ نارازىلىق تانىتىپ جاتقانى دا سوندىقتان.

حالال سىراحانانىڭ يەسى حانبولات سارداروۆ دەگەن ازامات. ايتۋىنشا، سىرا ەمەس كاۋاپتارى حالال ەكەن. جارنامانى دۇرىس قويماعانىن ءوزى دە مويىندايدى.

ماسەلەن، 2012 جىل ءبىر عانا الماتى قالاسىندا  حالال قىزمەتتى ۇسىنۋشى 100-گە جۋىق مەكەمە بولسا، ەندى ونىڭ سانى بىرنەشە ەسەلەنە تۇسكەن.

نۇرزات توعجان