مەكسيكالىق چيۋاۋا شتاتىنىڭ سوتى  ايەلدەردى جاپپاي ءولتىرىپ كەلگەن 5 ازاماتقا قاتىستى ۇكىم شىعارعان. ايەلدەردى ولتىرۋشىلەردىڭ ۇستىنەن قوزعالعان قىلمىستىق ءىس بويىنشا ايىپتالعان بەس قىلمىسكەرگە 697 جىلعا باس بوستاندىعىنىان ايىرۋ تۇرىندە جازا كەستى. بۇل تۋرالى قازاقپارات حابارلايدى.

سوت وتىرىسىندا قىلمىسكەرلەردىڭ 2009 جانە 2010 جىلدار ارالىعىندا جاساعان قىلمىستارى قارالعان. قاسكۇنەمدەر جاس قىزداردى ارباپ الداپ، كەيىن ولاردى جەزوكشەلىكپەن اينالىسۋعا، ەسىرتكى تاراتۋعا ماجبۇرلەگەن. ال ايەلدەر «تاۋارلىق ءتۇرىن» جوعالتقان كەزدە، ولاردى ءولتىرىپ، مۇردەسىن جاسىرىپ وتىرعان.

وسىنشا مەرزىمگە سوتتالعاننان باسقا، ولار ولتىرگەن ادامدارىنىڭ تۋىستارىنا كەلتىرىلگەن مورالدىق شىعىننىڭ وتەماقىسى رەتىندە 550 مىڭ دوللاردان استام اقشا تولەۋگە مىندەتتەلگەن. ولار اتالمىش ۋاقىت اراسىندا مەكسيكاداعى چيچاۋا شتاتىنىڭ  2700-گە جۋىق ايەلىن ازاپتاپ كەلگەن.

نۇرزات توعجان