الماتى پوليسياسى  جوعالىپ كەتكەن ەكى بالاعا ىزدەۋ جاريالادى. بۇل تۋرالى «قامشى » پورتالى قالالىق ءىىد باسپا ءسوز قىزمەتىنە سىلتەمە جاساي وتىرىپ حابارلايدى.

2008 جىلى تۋىلعان الەكساندر ناحايەۆ  پەن 2010 جىلدىڭ، 28 شىلدەسىندە تۋىلعان  پولينا ناحايەۆا ەرەسەكتەردىڭ قاراۋىنسىز قالعان كەزدە   ۇيدەن  شىعىپ كەتىپتى. ۇيلەرى مەدەۋ اۋدانىنداعى  ساياجاي قاۋىمداستىعىندا ورنالاسقان. بالالاردىڭ قايدا ەكەنى ءالى كۇنگە بەلگىسىز.

مەدەۋ اۋداندىق ىشكى ىستەر باسقارماسىنا قاراستى پوليسيا بولىمىندەگىلەردىڭ جەتكىزۋىنشە، بالالارىنىڭ جوعالىپ كەتكەنى تۋرالى پوليسياعا ولاردىڭ اناسى ەكى كۇننەن كەيىن عانا  حابارلاپتى.اناسى وسى ۋاقىتقا دەيىن بالالاردى تۋىسقاندارى الىپ كەتكەن بولار دەگەن جورامالمەن جۇرگەن.

ۇل بالانىڭ بەلگىلەرى: تۇر-الپەتى ەۋروپا ءناسىلدى، بويى 120 سانتيمەتر، شاشى اشىق ءتۇستى، قىسقا. ۇستىنە كيگەنى - سۋرەتى بار كوك مايكە، كوك دجينس پەن  كوك كروسسوۆكا. ەرەكشە بەلگىلەرى: ورىس تىلىندە، ازداپ تۇتىعىپ سويلەيدى.

قىز بالانىڭ بەلگىلەرى: تۇر-الپەتى ەۋروپا ءناسىلدى، بويى 110 سانتيمەتر، شاشى اشىق ءتۇستى، قىسقا. ۇستىندە اق مايكە، كوك ءتۇستى دجينس بەلدەمشە مەن قوڭىر ساندال ب. ەرەكشە بەلگىلەرى: ورىس تىلىندە، ازداپ تۇتىعىپ سويلەيدى.

الماتى  قالالىق پوليسيا ءبولىمى بالالاردىڭ قايدا ەكەنىن بىلەتىندەر بولسا مەدەۋ ءاىىب-عا حابارلاۋدى سۇرايدى: قابانباي باتىر كوشەسى، 93. تەلەفوندار: 254-48-40؛ 254-48-02؛ 8-702-6666044 نەمەسە 102.