مەنىڭ قوعامدىق كولىكتەرگە وتىرعىم كەلمەيدى. بايلىعىم اسىپ، قالتامنان تاسىپ بارا جاتقاننان ەمەس. ونداعى ادامداردىڭ مادەنيەتسىزدىگىنەن قاشامىن، كورگىم كەلمەيدى.
اۋەلى، قوعامدىق كولىكتەردەگى ۇرىلار جايلى؛ 5-6 ادامنان توپتاسىپ العان سۇق ساۋساقتار اۆتوبۋس جۇرگىزۋشىسى مەن كوندۋكتورى ولارمەن اۋىز جالاسىپ الىپ، بىر-بىرىنە كوزبەن كورسەتىپ اۋرە. قالتاسىنداعى سوڭعى تيىنىنان ايىرىلىپ قالىپ ايعاي سالعان ادامدار... ولارعا قوسا، الگى ۇرى-قارىلار قالاداعى قوعامدىق كولىكتەردىڭ 80 پايىزىندا كەزەدەسەدى. بىر-ەكى مارتە ءوز باسىمنان دا وتكەن. تۇل سىرتىمنان كەلىپ، تاماعىما الماز تاقاپ قوقان-لوققى كورسەتكەن كەزدەر دە بولعان-دى. ەرتەرەكتەگىدەي ەمەس، ۇياتتى ىسىرىپ قويىپ، ءسۇيىسىپ جاتقاندى دا، سۇيكەسىپ جاتقاندى دا، باجىلداسقاندى دا، ءبىر-بىرىن بالاعاتتاپ جاتقاندى دا – وسى قوعامدىق كولىكتەن كەزدەستىرەسىز.
ودان قالا بەردى، جولاۋشىنىڭ ازاماتتىق قۇقىعى مۇلدە ەسكەرىلمەيدى. كەلىسسەڭىزدەر ءانى، كەلىسپەسەڭىزدەر پاتشا كوڭىلدەرىڭىزگە حوش. جولاۋشىعا دۇرسە قويا بەرىپ، بالاعاتتاعانىنان وزگە، قول جۇمساپ، قارۋ سۇققاندى دا الەۋمەتتىك جەلىدە تالقىلاپ جاتىرمىز عوي.
مىنە سوندىقتان بولار، ارتىق اقشام شىقسا دا، مەن تاكسيمەن جۇرەمىن.  انىعىندا قوعامدىق كولىك ءبىزدىڭ قوعامنىڭ كىشكەنە عانا ماكەتى. ادام اعزاسىنىڭ جاعدايىن تەكسەرۋ ءۇشىن دارىگەرلەر ءبىر تامشى عانا قان الىپ، ساراپتاما جاسايدى عوي. قوعامدىق كولىك -سول ءبىر تامشى قان عوي. ەندى قوعامدىق اعزاسىنىڭ جايىن ءوزىڭىز پارىقتاي بەرىڭىز.

نۇرگەلدى ءابدىعاني ۇلى