الماتى. قامشى پورتالى – سوڭعى كەزدەرى قازاقستاننىڭ ءار اۋماعىندا ءىرىلى-ۇساقتى شەنەۋنىكتەردى اۋلاۋ ناۋقانى باستالىپ كەتكەنى تۋرالى وسىعان دەيىن دە جازعان بولاتىنبىز. ال كۇنى كەشە عانا «قامشى» پورتالىندا اينۇر تولەۋ «ەتىمىز ۇيرەنىپ كەلە جاتىر...» اتتى ماتەريالىندا  «ەندىگى كەزەك قازاق حاندىعىنىڭ 550 جىلدىعى وتەتىن ايماقتا ەمەس پە؟ سول جاقتىڭ اكىمى قىمبات كولىك الىپتى» دەگەن بولاتىن.

مىنە، اراعا كۇن سالماي جاتىپ جامبىل وبلىسىندا اۋدان اكىمىنىڭ بۇرىنعى ەسەپشىسى 4،4 ميلليون تەڭگەنى جىمقىرعانى ءۇشىن جاۋاپقا تارتىلعان دەگەن اقپارات تاراعان.

ت.رىسقۇلوۆ اۋدانىنىڭ سوتىندا اۋدان اكىمدىگى بولىمدەرى ءبىرىنىڭ باس بۋحگالتەرىنە قاتىستى قىلمىستىق ءىس قارالدى.

«بۇرىنعى باس بۋحگالتەر ق ر قىلمىستىق كودەكسىنىڭ 4ء-بولىمى 176-بابىنىڭ «ب» تارماعىندا (قىزمەت بابىن پايدالانىپ، وزىنە تاپسىرىلعان بوتەننىڭ مۇلكىن يەمدەنۋ نەمەسە تالان-تاراجعا سالۋ)، 1ء-بولىمىنىڭ 314-بابىندا (قىزمەتتىك جالعان قۇجات جاساۋ) كوزدەلگەن قىلمىستار جاساعانى ءۇشىن ايىپتالىپ، سوت الدىنا كەلدى، دەپ حابارلادى وبلىستىق سوتتىڭ باسپا ءسوز قىزمەتى.

2012-2014 جىلدارى ت.رىسقۇلوۆ اۋدانى اكىمدىگىنىڭ اۋەلى ساۋلەت، قالا قۇرىلىسى جانە قۇرىلىس ءبولىمىنىڭ باس مامانى، ودان كەيىن باس بۋحگالتەرى قىزمەتىجدە جۇمىس جاساپ، بىرنەشە رەت جالعان قۇجاتتارمەن س.ە. ەسەپشوتىنا بانكومات ارقىلى ەڭبەكاقى، ءىسساپار، سىياقى جانە ساۋىقتىرۋ تولەمدەرىن اۋدارىپ، بيۋدجەت قاراجاتىن ۇرلاعان. مەملەكەت قازىناسىنا كەلتىرىلگەن زالال 4 436 932 تەڭگەنى قۇرادى.

بۇل ايەل ايىپتى دەپ تانىلىپ، سوت ۇكىمىمەن جەتى جىلعا باس بوستاندىعىنان ايىرىلدى. سوت سونداي-اق ونى بەس جىل مەرزىمگە بەلگىلى ءبىر لاۋازىمداردى اتقارۋ قۇقىعىنان ايىردى.

ق ر قك 1ء-بولىمى 74-بابىنا سايكەس جازانى وتەۋ ءۇش جىلعا كەيىنگە قالدىرىلدى. 

نۇرزات توعجان