سوڭعى كۇندەرى ءبىز شاعىن جانە ورتا كاسىپكەرلىك وكىلدەرىنىڭ مەملەكەت باسشىسىنا ۇندەۋ جولداعانىن كورىپ وتىرمىز. ءوز وتىنىشتەرىندە كاسىپكەرلەر سالىقتى ازايتىپ، الىپ تاستاۋدى، كرەديتتەر بويىنشا پايىزداردى قايتا ەسەپتەپ بەرۋ ءوتىندى، وسىعان قاتىستى پرەزيدەنت ق.توقايەۆ جەدەل ارەكەت ەتىپ، كوروناۆيرۋستىق ينفەكسيامەن جانە ونىڭ سالدارلارىمەن كۇرەس جونىندەگى شارالار بويىنشا جاريالانعان ەكىنشى پاكەتىندە ءبىرقاتار شەشىمدەر قابىلدادى.

قازىرگى ۋاقىتتا ەلدىڭ جىو-دەگى شاعىن جانە ورتا كاسىپكەرلىكتىڭ جالپى قوسىلعان قۇنىنىڭ ۇلەسى شامامەن 28-29%-دى قۇرايدى جانە وسى سەكتور ق ر بارلىق جۇمىسپەن قامتىلعان حالقىنىڭ 37%-ىن جۇمىسپەن قامتاماسىز ەتەدى. 2020 جىلدىڭ باسىندا جۇمىس ىستەپ تۇرعان شوك-تىڭ سانى 1،3 ملن-نان استام سۋبەكتىنى قۇرادى. ق ر شوك-تىڭ قۇرىلىمىندا جەكە كاسىپكەرلەردىڭ ۇلەسى ايتارلىقتاي (63،6%)، شارۋا نەمەسە فەرمەر قوجالىقتارى شامامەن 16،2%-دى، شاعىن جانە ورتا كاسىپكەرلىكتىڭ زاڭدى تۇلعالارى شامامەن 20،2%-دى قۇرايدى. ەكونوميكالىق قىزمەت تۇرلەرى بويىنشا سۋبەكتىلەردىڭ ەڭ كوپ سانى كوتەرمە جانە بولشەك ساۋدا سەكتورىندا شوعىرلانعان، بۇدان ءارى اۋىل، ورمان، بالىق شارۋاشىلىعى، كولىك جانە قۇرىلىس سەكتورلارى بار. ءبىرىنشى كەزەكتە، كومەك جەكە ساۋدا سەكتورى، كولىك قىزمەتتەرى، تۋريزم جانە ت.ب. سياقتى نەعۇرلىم كوپ زارداپ شەككەن سەكتورلارداعى كاسىپكەرلىككە كورسەتىلەدى. سوندىقتان ەڭبەكاقى تولەۋ قورىنان 6 ايعا سالىقتار مەن باسقا دا تولەمدەردى ەسەپتەۋ مەن تولەۋدى الىپ تاستاۋ (بۇعان الەۋمەتتىك اۋدارىمدار، تابىس سالىعى، زەينەتاقى مەن مەديسينالىق ساقتاندىرۋ جانە ت.ب. جاتادى)، شوب بوساعان قاراجاتتى بيزنەستى، ياعني جۇمىس ورىندارىن ساقتاۋعا مۇمكىندىك بەرەتىن سالالارعا قايتا باعىتتاۋعا جاعداي جاسايدى. قالعان سالىق تولەمدەرىنە كەلەتىن بولساق، ولار 3 ايعا كەيىنگە قالدىرىلدى. بۇل شوب قولداۋعا قاتىستى بۇرىن جاريالانعان شارالارعا بويىنشا تاعى ءبىر جەڭىلدىك.

كوكتەمگى ەگىس جۇمىستارىنىڭ كەزەڭى باستالدى جانە 70 ملرد تەڭگە مولشەرىندە قاراجات ءبولۋ اۋىل شارۋاشىلىعى سەكتورىنىڭ شوك-تىڭ 250 مىڭنان استام سۋبەكتىلەرىنىڭ قىزمەتىن قامتاماسىز ەتۋ ءۇشىن اسا قاجەت. قارىز الۋشىلار ءۇشىن تومەندەتىلگەن پايىزدىق مولشەرلەمە جانە ديزەل وتىنىنىڭ باعاسىن نارىقتىق باعادان 15%-عا ارزانداتۋ وڭ مۋلتيپليكاتيۆتى اسەر بەرەدى. بۇدان باسقا، ەلدىڭ ازىق-تۇلىك قاۋىپسىزدىگىن قامتاماسىز ەتۋ جانە اۋىل شارۋالارىن قولداۋ ماسەلەسى ءبىرىنشى كەزەكتەگى مىندەت.

سونىمەن قاتار، كوپتەگەن كاسىپكەرلەر بۇرىن بەرىلگەن كرەديتتەر بويىنشا پايىزداردى تولەۋدى توقتاتۋدى سۇرادى. بۇعان دەيىن قارىزدار مەن ميكروكرەديتتەر بويىنشا توتەنشە جاعدايدى ەنگىزۋ سەبەبىنەن تۋىندايتىن جەكە جانە زاڭدى تۇلعالاردىڭ قارىزدارى مەن ميكروكرەديتتەرى بويىنشا تولەمدەردىڭ مەرزىمىن وتكىزىپ العان كەزدە ايىپپۇلدار نەمەسە ءوسىماقىلار ەسەپتەلمەۋگە ءتيىس ەكەنى حابارلانعان بولاتىن. بۇدان باسقا، جەتەكشى بانكتەر ەلدە تج ەنگىزىلۋىنە بايلانىستى قارجىلىق جاعدايى ناشارلاعان شوب سۋبەكتىلەرى ءۇشىن 90 كۇنگە دەيىن تولەمدەر بويىنشا كەيىنگە قالدىرۋ ۇسىنىلدى. قابىلداناتىن شارالار زاڭناما شەڭبەرىندە ەنگىزۋ كەرەك ەكەنىن ءتۇسىنۋ قاجەت، سوندىقتان بارلىق ىقتيمال تاسىلدەر مەن شەشىمدەر قاراستىرىلادى.

اسەل ابەن،

ق ر پرەزيدەنتى جانىنداعى قسزي-دىڭ

الماتى قالاسىنداعى

وكىلدىگىنىڭ باسشىسى