اقتاۋ قالاسىنىڭ اكىمى «ۆيتەبسك-2015» گران-پري يەگەرىن قابىلدادى

    Darkhan Muqantegi
    اقتاۋ قالاسىنىڭ اكىمى «ۆيتەبسك-2015» گران-پري يەگەرىن قابىلدادى

    الماتى. قامشى پورتالى - 15-شىلدە كۇنى اقتاۋ قالاسىنىڭ اكىمى سەرىكباي ترۇموۆ 11-12 شىلدە ارالىعىندا حالىقارالىق «سلاۆيان بازارى» فەستيۆالىنىڭ اياسىندا وتكەن «ۆيتەبسك-2015» بالالار مۋزىكالىق بايقاۋىنا قازاقستاننىڭ اتىنان قاتىسقان گران-پري يەگەرى لۋيزا نۇرقۋاتوۆانى قابىلداپ، جەڭىسىمەن قۇتتىقتادى، دەپ حابارلادى قالالىق اكىمدىكتىڭ باسپا ءسوز قىزمەتىنەن. 

    «سلاۆيان بازارى» فەستيۆالى بەلورۋسسيانىڭ ۆيتەبسك قالاسىندا وتكىزىلەدى. «ۆيتەبسك-2015» بايقاۋىندا ۆوكال بويىنشا 17 مەملەكەتتەن 20 ونەرپاز قاتىستى. 

    ون جاسار ورىنداۋشى «ەرتەگىلەر» ۆوكالدى توبىنىڭ مۇشەسى. استاناداعى پرەزيدەنتتىڭ جاڭاجىلدىق كونسەرتىنە قاتىسىپ، ماڭعىستاۋ وبلىسىنىڭ وڭتۇستىك قازاقستانداعى، استاناداعى، پاۆلودارداعى مادەني كۇندەرىندە ەسترادا-سيمفونيالىق وركەسترمەن جانە «مولودوست» دجاز-انسامبلىمەن بىرگە ونەر كورسەتتى.

    لۋيزا نۇرقۋاتوۆا بۇعان دەيىن «ايالاعان استانا» رەسپۋبليكالىق بالالار بايقاۋىندا II-ورىن، حالىقارالىق «التىن ميكروفون» بالالار ءان بايقاۋىندا I-ورىن، حالىقارالىق «بوزتورعاي-2014» بالالار شىعارماشىلىعى بايقاۋىنىڭ گران-پري يەگەرى اتانعان بولاتىن.

    دەرەككوزى: قازاقپارات

    قاتىستى ماقالالار