ماڭعىستاۋ وبلىسىندا 2015 جىلى 500 مىڭ شارشى مەتر تۇرعىن ءۇي پايدالانۋعا بەرىلمەك. بۇل تۋرالى ماڭعىستاۋ وبلىسى قۇرىلىس باسقارماسىنىڭ باسشىسى وراق اياپوۆ حابارلادى.

«2015 جىلى، تۇتاستاي، 500 مىڭ شارشى مەتر ءۇي سالۋ جوسپارلانۋدا، ونىڭ ىشىندە ماڭعىستاۋ وبلىسىندا 1080 شارشى مەتر جالعا بەرىلەتىن ءۇي، اقتاۋ قالاسىندا 66992 شارشى مەتر كرەديتتىك تۇرعىن ءۇي سالىنادى. 32ا شاعىن اۋدانىندا 5580 شارشى مەتر - جاس وتباسىلارعا ارنالعان 120 پاتەرلىك 2 تۇرعىن ءۇي، 426 348 شارشى مەتر كوممەرسيالىق جانە جەكە تۇرعىن ءۇي سالىنادى»، - دەپ حابارلادى وراق اياپوۆ.

ونىڭ ايتۋىنشا، اعىمداعى جىلى الەۋمەتتىك سالا نىساندارىن سالۋعا  9 ملرد 571 ملن. تەڭگە بولىنگەن. 2014 ج. باستالعانداردى اياقتاۋعا، جاڭا ءبىلىم بەرۋ نىساندارىن سالۋدى باستاۋعا 7 ملرد. 144 ملن. تەڭگە ءبولىندى.

«2014 جىلى 6 ورتا مەكتەپ، 15 بالاباقشا، باسقا نىساندار قۇرىلىسىنا 5 ملرد. 850 ملن. تەڭگە ءبولىندى. وتكەن جىلدىڭ قورىتىندىسى بويىنشا بارلىق قاراجات يگەرىلىپ، پايدالانۋعا 3 ءبىلىم بەرۋ مەكەمەسى ەنگىزىلدى. بيىل 3 ورتا مەكتەپ، 13 بالاباقشا سالۋ جوسپارلانعان»، - دەدى قۇرىلىس باسقارماسىنىڭ باسشىسى.

وبلىستا دەنساۋلىق ساقتاۋ نىساندارىن سالۋعا 2014 جىلى 588، 933 ملن تەڭگە ءبولىندى، ونىڭ رەسپۋبليكالىق بيۋدجەتتەن بولىنگەن 385 ملن تەڭگەدەن استام سوماسى اقتاۋ قالاسى وڭىرلىك انا مەن بالانى قورعاۋ ورتالىعىن سالۋعا باعىتتالدى. جەرگىلىكتى بيۋدجەتتەن 200 ملن. تەڭگە 7 دارىگەرلىك امبۋلاتوريا، 1 فەلدشەرلىك-اكۋشەرلىك پۋنكت سالۋدى باستاۋعا جۇمسالدى. 2015 جىلى وسى نىسانداردى سالۋدى جالعاستىرۋعا 1 ملرد. 675 ملن. تەڭگە كوزدەلدى. 7 دارىگەرلىك امبۋلاتوريا، 1 فەلدشەرلىك-اكۋشەرلىك پۋنكت پايدالانۋعا ەنگىزىلدى. وڭىرلىك انا مەن بالانى قورعاۋ ورتالىعىن سالۋ كەلەسى جىلى جالعاسادى.

5 مادەنيەت جانە سپورت نىسانى قۇرىلىسىنا جەرگىلىكتى بيۋدجەتتەن  751،775 ملن. تەڭگە ءبولىندى. 

اقپارات كوزى: ءىnform.kz.