جاڭالىق ءبىلۋ ءۇشىن تەلەديدار قوسامىز. اسىرەسە، ۇكىمەتتىڭ رەسمي مالىمەتتەرى ءبىز ءۇشىن ماڭىزدى. ءبىز تولەگەن سالىقتىڭ ەسەبىنەن نان تاۋىپ جۇرگەن شەنەۋنىكتەر حالىق ءۇشىن نە تىندىردى دەگەندى كۇندەلىكتى باقىلاپ، وعان باعا بەرۋ ب ا ق ءۇشىن مىندەت. الايدا، وبلىس اكىمىنىڭ ورىنباسارى نەمەسە الدە ءبىر مەملەكەتتىك قىزمەتتەگى قاپتاعان لاۋازىمدىلارىنىڭ پارامەن ۇستالعانىن، حالىق قازىناسىن ۇرلاعانىن، پارلامەنتتىڭ بىلدەي ءبىر مۇشەسىنىڭ (دەپۋتات دەگەن سوۆەتتىك اتاۋدى قولدانىستان شىعارۋ كەرەك) ىسكەر ازاماتقا ءتىل تيگىزىپ، قارا باسىنىڭ قامى ءۇشىن جۇرت الدىندا ماسقارا بولعانىن كورەمىز. ودان قالسا، باسپاناسىن اكىمدىك قيراتىپ، بالا-شاعاسىمەن زارلاپ دالادا قالعان انالار، جىلاعان بالالار، ەڭبەكاقىسىنا قول جەتكىزە الماعان جۇمىسكەردىڭ نالاسى. كوڭىل كونشىتەرلىكتەي ەشتەڭە تاپپايسىڭ. بيلىك يەلەرىنىڭ بيىك مىنبەردەن سايراعاندا دەس بەرمەيتىن "ەلۋ ەلدى باسىپ وزىپ، وتىز ەلدى" تىرقىراتىپ قۋىپ كەلە جاتقان ءتۇرى وسى ما؟ بۇل جەردە ب ا ق جۋرناليستەرىنىڭ كىناسى شامالى. قوعام ءومىرىنىڭ ايناسى بولعاندىقتان، وندا نە بولىپ جاتسا، سونى عانا كورسەتپەك. ال، "بەتى قيسىق" ۇكىمەت ايناعا وكپەلەي الا ما؟

قۋاندىق شاماحاي ۇلى، facebook پاراقشاسىنان