الماتى. قامشى پورتالى – بۇگىن  وڭتۇستىك قازاقستان وبلىسى اكىمدىگىندەگى ق ر ءبىلىم جانە عىلىم مينيسترلىگى ءبىلىم جانە عىلىم سالاسىنداعى باقىلاۋ كوميتەتىنىڭ ءتوراعاسى سايات نيۋسۋپوۆتىڭ قاتىسۋىمەن 2015-2016 وقۋ جىلىنا مەكتەپ وقۋشىلارىن وقۋلىقتار مەن وقۋ-ادىستەمەلىك كەشەندەرمەن قامتۋ ماسەلەلەرىنە ارنالعان ءماجىلىس ءوتتى. اۋدان، قالا اكىمدەرىنىڭ ورىنباسارلارى مەن ءبىلىم بولىمدەرىنىڭ مەڭگەرۋشىلەرى، «اتامۇرا»، «مەكتەپ»، «الماتىكىتاپ»، «ارمان پۆ» سىندى باسپالاردىڭ وكىلدەرى شاقىرىلعان جيىندى وبلىس اكىمىنىڭ ورىنباسارى ەرلان ايتاحانوۆ جۇرگىزدى. اتالعان جيىندا حابارلاما جاساعان وبلىستىق ءبىلىم، جاستار ساياساتى جانە تىلدەردى دامىتۋ باسقارماسىنىڭ باسشىسى البينا ەلشييەۆا وڭتۇستىكتە وقۋشىلار سانىنىڭ جىل سايىن ارتىپ كەلە جاتقانىن توقتالىپ، وقۋلىقتار مەن وقۋ-ادىستەمەلىك كەشەندەردى ساتىپ الۋعا جەرگىلىكتى بيۋدجەتتەن 1 ملرد. 326 ملن. تەڭگە بولىنگەنىن ايتتى. قوسىمشا 1 ملرد. 410 ملن. تەڭگەنىڭ قاجەتتىلىگى انىقتالىپ، ونىڭ 925 ملن. وبلىستىق قازىنادان بولىنسە، قالعان 484 ملن. 898 مىڭ تەڭگەسى اۋدان، قالالاردىڭ بيۋدجەتى ەسەبىنەن شەشىلەدى دەدى. سونداي-اق، وقۋلىقتار ازىرلەيتىن 12 باسپامەن 104 كەلىسىمشارتتىڭ تۇزىلگەنىن جەتكىزىپ، دايىن ءونىمدى تاسىمالداۋدا كەزدەسەتىن ماسەلەلەرگە نازار اۋداردى. جيىندى قورىتىندىلاعان وبلىس اكىمىنىڭ ورىنباسارى ە.ايتاحانوۆ وقۋلىقتار ماسەلەسىنىڭ 20 تامىزعا دەيىن شەشىلىپ، بارلىق ءبىلىم مەكەمەلەرىنە تاسىمالداپ بەرۋ جونىندە جاۋاپتىلارعا ناقتى مىندەتتەر جۇكتەدى. ماجىلىستەن كەيىن اۋداندار مەن قالالارداعى ءبىلىم بولىمدەرى وقۋلىق دايىندايتىن باسپالارمەن ەكىجاقتى كەلىسىمشارتقا وتىردى.

دەرەككوزى: وقو اكىمىنىڭ باسپا ءسوز قىزمەتى