الماتى. قامشى پورتالى – ەلىمىزدىڭ بارلىق وڭىرلەرىندە 1 تامىزدان باستاپ «مەكتەپكە جول» اكسياسى باستالادى. بۇگىن «وڭتۇستىك» اقپارات ورتالىعىندا ەلباسىنىڭ تاپسىرماسىمەن مەكتەپ وقۋشىلارىنىڭ تولىق مەكتەپكە بارۋىن قامتاماسىز ەتۋ ماقساتىندا ۇيىمداستىرىلىپ جاتقان قايىرىمدىلىق اكسياسى جايىندا وبلىستىق ءبىلىم، جاستار ساياساتى جانە تىلدەردى دامىتۋ باسقارماسىنىڭ ءبولىم باسشىسى ع.ءجۇسىپوۆا مەن وقو ءىىد اكىمشىلىك پوليسيا باسقارماسىنىڭ ءبولىم باستىعى ع.جەتىبايەۆ مالىمدەمە جاسادى. وڭتۇستىك قازاقستاندا ەكى ايعا جالعاساتىن قايىرىمدىلىق اكسياسى «بالالارعا بىرگە كومەك بەرەيىك!» ۇرانىمەن وتەدى دەدى، ‒ ع.ءجۇسىپوۆا. جىل سايىن ءداستۇرلi تۇردە ۇيىمداستىرىلاتىن شارا وسىمەن 8ء-ى رەت قولعا الىنىپ وتىر. شارانى ءوز دەڭگەيىندە ۇيىمداستىرىپ وتكىزۋ ءۇشىن ءىس-شارالار جوسپارى ازىرلەنىپ، وبلىستىق ۇيىمداستىرۋ كوميتەتى قۇرىلدى. اتالعان ۇيىمداستىرۋ كوميتەتىنىڭ قۇرامىنا وقو ءبىلىم جاستار ساياساتى جانە تىلدەردى دامىتۋ، وبلىستىق ىشكى ساياسات جانە ءدىن ىستەرى، وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالارى جونىندەگى باسقارمالار مەن وقو ءىىد، وبلىستىق اتا-انالار كوميتەتى جانە اۋدان، قالا اكىمدەرىنىڭ ورىنباسارلارى ەنگىزىلدى. اكسيا اياسىندا مەكتەپ تابالدىرىعىن العاش رەت اتتاعالى وتىرعان بالالارعا ەستەلىك سىيلىقتار تاراتىپ، الەۋمەتتiك قورعالماعان وتباسىلاردىڭ بiرiنشi سىنىپقا باراتىن بالالارىنا قايىرىمدىلىق iس-شارا، از قامتىلعان وتباسىلارعا كومەك كورسەتۋ ءۇشiن iرi ساۋدا ۇيلەرiندە مەكتەپكە قاجەتتi زاتتار مەن وقۋ قۇرالدارىن قابىلداۋعا ارنالعان كونتەينەرلەر ورناتۋ ارقىلى «بالالارعا بىرگە كومەك بەرەيىك!»، «اۋىل بالالارىنا – مەكتەپكە سىيلىقتار»، «وتباسى وتباسىعا كومەك كورسەتەدى: بالالاردى مەكتەپكە دايىندايمىز!» «مەيىرىمدى قولدار» اتتى شارالار ۇيىمداستىرىلادى. سونداي-اق، وقو ءىىد اكىمشىلىك پوليسيا باسقارماسىنىڭ ءبولىم باستىعى ع.جەتىبايەۆ قاراۋسىز قالعان، الەۋمەتتىك جاعدايى تومەن بالالاردى انىقتاۋ ماقساتىندا ارنايى رەيدتەر ۇيىمداستىرلاتىنىن جەتكىزدى. ەستەرىڭىزگە سالساق، وتكەن جىلى وسى اكسيا اياسىندا 21656 بالاعا ماتەريالدىق كومەك بەرىلدى. ونىڭ ىشىندە 12918 بالاعا بيۋدجەت قاراجاتى ەسەبىنەن، قالعان 8738 بالاعا بيۋدجەتتەن تىس دەمەۋشىلەر قاراجاتى ەسەبىنەن ماتەريالدىق كومەك كورسەتىلگەن. اكسيا بارىسىندا ازاماتتاردىڭ وتىنىشتەرىنە جەدەل جاۋاپ بەرۋ ءۇشىن (24-75-25) سەنىم تەلەفوندارى جۇمىس ىستەيتىن بولادى.  

دەرەككوزى: وقو اكىمىنىڭ باسپا ءسوز قىزمەتى