وڭتۇستىك قازاقستان وبلىسىندا بيىل جەتىم جانە اتا-اناسىنىڭ قامقورلىعىنسىز قالعان 200 بالا مەكتەپ ءبىتىردى. ولاردىڭ ىشىندە جوعارى وقۋ ورىندارىندا وقۋعا نيەت بىلدىرگەن 147 تۇلەكتىڭ 106-سى ۇلتتىق ءبىرىڭعاي تەستىلەۋ ناتيجەسى بويىنشا 50-دەن جوعارى بالل جيناعان.  89 تۇلەك وبلىستاعى جوعارى وقۋ ورىندارىنا، 91ء-ى وسىنداعى كوللەدجدەردە، 20-ى رەسپۋبليكانىڭ باسقا وڭىرلەرىندە ءبىلىم الۋعا نيەت بىلدىرگەن ەكەن.  وبلىس اكىمدىگىمەن مەموراندۋمعا قول قويعان وڭىردەگى جوعارى وقۋ ورىندارىنىڭ باسشىلارى جەتىم جانە اتا-اناسىنىڭ قامقورلىعىنسىز قالعان بالالارعا قايىرىمدىلىق كومەك رەتىندە اقىسىز وقىتۋ تۋرالى شەشىم قابىلدادى. بۇگىن سول بالالار جوعارى وقۋ ورىندارىنا جولداما الدى. ولارعا قۇربىلارىنان قالماي، جوعارى ءبىلىم الۋعا مۇمكىندىك جاسالدى.

ارايلىم قادىربەك، مەكتەپ ءبىتىرۋشى 

-مەن وتە قۋانىشتىمىن. ويتكەنى بۇل جولداما تەك جوعارى وقۋ ورنىنا تۇسۋگە بەرىلگەن جولداما عانا ەمەس، ومىردە ءوزىمنىڭ ارمانىمدى ورىنداۋعا بەرىلگەن جولداما دەپ ويلايمىن.

 ەرلان ايتاحانوۆ، وقو اكىمىنىڭ ورىنباسارى 

ء-بىزدىڭ ءجاستارىمىزدىڭ كەلەشەگى زور، تاجىريبەلى مامان بولۋى ءۇشىن ولار تەرەڭ ءبىلىم الۋى كەرەك. بۇل ءبىزدىڭ ەلىمىزدىڭ ارى قاراي دامۋىنا ۇلەس قوسۋ ءۇشىن كەرەك.

دەرەككوزى: حابار ارناسى